24-26 OCT 台北遊 - DAY 3 Part II

10月26日 星期一   PART II

離開大溪老街之後, 我地又再向多啦A夢小人國出發!

車程大約要半個鐘左右。下午兩點幾到。

哇。全部都係我最鐘意嘅迷你嘢。

真係好興奮呀!!!!!!!!!!! 好得意呀!!!!!!!! 超真! 好開心呀!!~! 我一邊行, 一邊興奮咁哇哇大叫.... ^^

我仲幫小福貓影咗一輯靚沙龍Tim~~~~ 好搞笑架, 同實景一樣。

小福貓遊北京~ 哈哈。
不登長城非好漢! 我小福貓係一個好漢呢!!!! 呵呵...

多啦A夢故事館~~ 多啦A夢~~ ^^

呢個多啦A夢小人國, 真係啱晒一家大細黎玩呢。其實仲有機動遊戲架。不過我地冇太多時間, 及我本身對機動遊戲冇興趣。所以就冇行過去果邊。

真係好開心呀~~~ 好鐘意呢度, 過咗好開心嘅一日

大家留意吓我頭上嘅"竹蜻蜓" ~~ 係多啦A夢嘅發寶黎架~~

當行緊多啦A夢故事館時, 我個心忽然有一種好幸福, 好開心嘅感覺。係發自內心的。我真係唔知點解無啦啦會有呢個感覺, 仲感動到有D眼濕濕Tim!
可能我今日真係發自內心嘅開心~~

今日行吓花海, 去小人國影相, 簡簡單單, 安安靜靜。身邊有一個愛鍚自己嘅老公, 陪我一齊渡過呢d歡樂時光! 其實真係好開心, 好感動, 好滿足。。。

下午5點, 太陽落山, 小人國休館, 我地都係時候踏上回家嘅路程LU~

我地坐晚上7:55班機回HK。。。台北... 再見!

CX而家真係好CHEAP, 冇咗飛機餐, 只係每人提供一個古古怪怪嘅麵包。難食。

咁就過咗好充實嘅三日兩夜台北遊LU~

在此特別要感謝台灣朋友成筠, 雅惠, 蓉兒, MAGGIE, 美女菁等朋友嘅熱情招待~
感謝Doris仗義借出台灣電話一部俾我, 等我在台灣嘅時間可以好方便咁同台灣朋友聯絡。
感謝成筠幫我搵倒一個好好嘅包車司機大哥。
感謝Doris在日本幫我買咗個完全正合我意嘅poter tokyo袋。正正就係我想要嘅款。

時間過得真係快~咁就完成三日兩夜充實嘅台北遊! ^o^