魯賓遜飄流記

我係 8 月時已經有呢個念頭, 個一日我行緊去 Royal Albert Hall 睇 concert, 忽然有個想法, 既然我肯定日後一定會番香港, 可不乾脆當我而家係喺一個非常長而沉悶嘅假期, 將見到嘅新事物當係喺旅行時見到嘅, 影底佢再寫出嚟。

早排同一位朋友傾開計, 佢叫我搵一棵樹, 每一日影底佢, 日子有功時你會發現好多好有趣嘅野喎, 我覺得呢個提議好有趣, 就好似魯賓遜係牆上面每日劃一劃咁, 以下係我家門前嘅一棵樹, 由於非常便利, 我決定用佢嚟做 model~~


樹葉開始變黃, 秋天到了, 佢有好多紅色嘅果實, 可惜我部手機拍得唔靚, 睇得唔清楚。

雖然就係屋企門口, 不過每日出門時會唔記得影相, 返屋企時天又黑咗... 唯有記得就影啦~~

下圖係一日歸家途中影底嘅日落景色, 安逹話感覺好 sad 喎~~