佛岡慶生!!!

　　今年過左一個唔算好開心既生日！因為……
　　星期日生日，一早決定返佛岡慶祝，同埋陪老婆，一個月前已經申請，幾經波折終於可以放！其實公司同事星期五已經同我慶祝左，肥琳仲要親自落黎兼做搞手，好感激……
　　由踏入八月開始，日日都好似過得好慢，一黎自己好想快ｄ到９號，二黎係我差唔多同老婆兩個月冇見面喇，所以一到８號收工，返到屋企興奮到訓唔倒……
　　到星期日一早起身，基本上都冇乜點訓，同屋企人落街食早餐，諗住五日都會晌佛岡，冇理由早餐唔留俾屋企人啦，到十點我就出發喇，去坐福田十二點車返佛岡，三點幾就到左喇，老婆大人到車站接我，之後去左賓館休息，沖個涼，因為好熱，之後去左見志東哥，一直只係同佢講下電話，未見過真人，去到聽下歌，睇佢畫畫，諗緊夜晚等老婆煮飯，去陪佢買送，還是約埋大佬佢地出黎食飯，跟住打俾大佬，佢話晌廣州返緊黎，叫埋宗哥，五個人去左食飯……
　　跟住老婆話要我開心Ｄ，跟住去埋唱ｋ，素蓮都黎埋，玩得好開心，記得佢成晚都唔得閒，不停講電話，我仲有ｄ嬲佢唔理我，原來佢去左訂蛋糕同為我製造驚喜，之後玩到二點左右返去休息，阿強都唔知我返左去，仲話想同我暢聚……
　　同老婆傾偈傾到差唔多天光先訓，跟住四點先醒，肥霖打俾我都唔知……之後老婆諗左好耐，又望左我一陣，同我講左一句話……
　　"不如而家同你買車飛返香港啦"，聽完之後無言以對，內心好唔舒服，跟住眼淚已經奪眶而出，好唔開心，呢個時候阿媽打黎，我個反應嚇死佢，佢唔知我做咩喊，叫我即刻走，跟住我老婆同佢講，佢話星期三要交畫俾人，佢一直都唔想我返佛岡，但為左同我過生日佢先陪我，我一早知道有人叫佢畫畫，我唔係因為唔理解佢，而係因為……我唔捨得佢！我一直為左同佢開開心心放五日假，無論做野幾咁辛苦，等待得幾咁痛苦，我都默默堅持，就算內心掙扎得幾緊要，我都唔敢俾老婆知，免得佢擔心，點知留左一晚就要走！我唔甘心，我好唔甘心！我從未試過晌老婆面前咁激動，我知道佢望倒我果一刻都唔好受！我知道老婆好想陪我，不過為左專心畫畫，佢寧願叫我返香港陪屋企人，我覺得自己好冇用，一心陪老婆，又唔可以成日見佢，佢又好想見我，但叫我走之餘，仲叫我多ｄ陪屋企人，佢仲送隻錶俾我做生日禮物，幫我阿媽求左一條佛珠，而晌我到果陣同走果陣，仲不停叫我，快ｄ打俾你阿媽，唔好要佢擔心，其實由我晌賓館走到車站上車，眼淚未停過，老婆仲不停安慰我，仲話我係佢心中最好的，聽到呢ｄ說話，好感觸，我同自己講過，上車唔會俾老婆見倒我喊，但我做唔倒……眼淚不停咁流，我一開車就打俾佢，佢叫我返到屋企即刻打俾佢，我晌車度喊左好耐，因為好唔捨得自己另一半，我六點由佛岡走，十點多ｄ返到屋企，我記得打俾佢未講完第一句已經忍唔住，眼淚又標出黎……到而家，我好耿耿於懷，唔可以日日陪住佢，唔可以同佢開開心心過五日長假期……唔可以幫佢解決佢面對既問題，仲要令佢處處擔心我，為我安慰埋屋企人，呢篇野除左要抒發自己ｄ不開心，仲有……
　　其實我好想講：老婆，我冇用！我唔夠堅強，我仲處處令妳擔心，仲要處處懷疑你，成日覺得妳唔理我，唔體諒你既難處，甚至傷害你……對唔住……