4日3夜的開平之旅！！！

　　於公司Last day之後，我同陽爺，阿強阿祥兩兄弟飲酒，阿強問我跟唔跟佢返開平玩o下，我諗都唔諗，一口應承佢，仲要點幾打電話返屋企講，我返大陸玩，結果換黎一大輪反對聲音，"唔好去啦，好危險架……"
　　我從來唔擔心，因為我信得過阿強，佢拍心口話住唔需要擔心，又會帶我周圍食野，仲有……有驚喜俾我。於是我唔理會父母o既反對，當然我唔係一意孤行啦，佢地反對因為佢地擔心我o者，出門都叫我小心ｄ，五點半去奧海城等阿強收工，跟住即刻搭車返去……
　　o係深圳三小時車程，終於到開平，一放低行裝，第一時間去食野，因為好肚餓，仲有ｄ後悔帶唔夠衫，好彩都o岩o岩夠，未至於太凍，阿強叫左幾個兄弟出黎，亨爺，阿敦，一路食一路飲酒，其實我已經貓貓地，跟住阿強話，今晚小試牛刀，聽晚唱ｋ黎真架喇。唔係卦，小試牛刀，死喇，聽晚唔醉都冇乜可能……
　　跟住點幾倒，返阿祥屋企訓，因為第二朝一早飲茶，以我性格邊會咁早就訓丫，上陣網，成三點幾先訓，跟住七點幾彈起身。到左茶樓，食完野，有個女仔黎左，佢就係阿強之前話"驚喜"o既原因，其實佢仲叫我"執正d"，我話平時咁著唔夠正咩，佢係強嫂個朋友，因為我跟阿強返黎，所以特登介紹佢俾我識，由於小弟於陌生地方會怕羞o既關係，所以見面後冇乜出聲，之後我就同阿祥返屋企稍作休息，阿強後黎打俾我，話我知個女仔覺得我好cool，又唔出聲，好似唔理佢咁，我話我怕羞，佢即刻話："佢同你好襯架，信我！"我話："我梗係信你啦，你知我點諗架，你介紹得俾我，我又鐘意o既，一定會好好珍惜。"
　　到夜晚我地三兄弟同佢地兩位"夫人"去左食煲仔飯，之後去左唱ｋ喇，果晚好多人，十幾個，人未齊我已經飲左幾罐，已經開始wing，跟住佢黎埋，我決定唔理喇，即刻搵佢合唱先，佢唱歌真係好勁，跟住阿強個衰野仲話："黎，點首月半小夜曲，俾佢地見識o下李克勤個幕後代唱。"點知唱完之後，阿強知我已經唔多掂，細細聲同我講，"點呀，唔掂喇，起身啦，你係咪鐘意人架，埋去拖住佢啦。"我都未黎得切反應，阿強已經捉住我隻手去左……，跟住阿強仲o係我面前，同個女仔講："我人格擔保，佢係我兄弟，佢係個好男人(多謝晒阿強)，你鐘唔鐘意佢先，係就唔好放手喇，我知佢點諗架，放心，唔會介紹錯。"我當然唔放手啦，到佢話去洗手間，返黎之後，我梗係再拖住佢啦，點都唔放呀。之後阿強佢地成班兄弟，係咁唱歌俾我聽，好感謝呢一班第一次見就當我係兄弟o既各位！跟住ｄ兄弟要我敬佢地，又飲左兩杯，之後阿強見倒，即刻截住我，同我頂埋，呢ｄ咪係好兄弟囉，結果犧牲左亨爺，因為佢最後醉左……玩到成點幾，我先送左佢走先，再同阿強佢地走……返到去，仲傾左陣電話，一覺訓到翌日一點……
　　一起身食左個飯，佢就打俾我話過黎搵我，我咪去接佢囉，俾佢睇睇我個blog同facebook d相，原來佢知道邊個係劉美君架，好開心呀，之後同佢出去食野，佢又帶我周圍去，跟住阿強打黎，原本話今日六點搭車走，而家聽朝先走啦，一早搭車啦，點知個女仔夜晚唔得閒陪我呀，好唔開心呀，佢公司有gathering呀，佢作為搞手唔可以唔去，當然我同佢講："我梗係想妳陪我啦，但我又唔可以要妳因為陪我唔去果度，咁妳玩得開心ｄ啦，返屋企打俾我啦，妳又感冒緊，聽朝唔好一早起身送我喇，唔好舟車勞頓咁辛苦喇，妳休息多ｄ啦，我都唔想妳咁辛苦，唔想妳冷親，我返到屋企再打俾妳喇。"跟住我都叫佢唔去周圍去，去湖邊坐多陣，佢就去佢公司個gathering喇……
　　之後返阿祥度，阿強又過左黎，佢話好頭痛，因為佢幫我頂左幾杯，自己又狂飲，我地咪吹o下水囉，我地三兄弟好少可以咁樣傾偈喇，都好開心，佢地兩兄弟又有一對，我又一對幾好呢……之後阿強臨走叫我唔好唔知醒，搭七點半車呀，我仲話要等埋電話先訓，不過我實知醒o既……
　　到今朝我起左身，準備好晒，我知個女仔好夜先訓，仲未起身，我都send個短訊俾佢，一路send一路唔捨得，最樣衰係喊埋，阿強跟住同我講："你感受我好明白，當初我o係度大，走果陣都好唔開心，我都唔捨得我老婆架。大家男人呢ｄ野明o既。"成十點半到深圳，之後阿強返工，我返屋企喇。
　　總結呢四日，絕對用"奇妙"黎形容，因為佢兩兄弟真係好照顧我，食、住我都唔駛用錢，淨係用o係搭車同夾兩百蚊唱ｋ，好開心，最開心係我遇到我第一個女朋友，一切都係好開心o既事，我一定好快要再黎，下次一定叫埋陽爺一齊去！