夢想與現實

    今日已經係11月1日,仲有一個禮拜都吾夠就係測驗,尋日,溫溫吓書冇咩心機,拎起咗本爆漫黎睇,記得之前係Wadee 個卜度聽到佢話呢本書幾好睇,於是我就係動漫節買咗番黎,一直都冇郁過佢,直至上個禮拜出街拎起咗黎睇,睇咗廿幾版就已經好有共鳴......

   時至今日,已經ko 咗3本,第4集係上個禮拜睇緊 2 果陣出番去信和度買.....故事內容吾多講,想睇既自然會去搵資料,吾想睇既連我既幾句都廢事睇~ 個故仔大概係講述主角真城最高同秋人(佢個friend) 一齊合作,一個負責畫畫,一個負責構思故事,佢地畫既漫畫如果拍成動畫,最高鍾意既女仔就會同佢結婚........

    漫畫這種東西,十個人睇十個人的感受都不同........而我,就好鍾意呢套野！故事的主角係普通人, 但係佢搵到目標之後就不斷奮鬥,不再是渾渾噩噩過日子！秋人(負責構思故事的那個人兄...)在說服最高畫畫果陣,講過一句野: "升讀高中,大學的話,足有七年時間,很值得一試吧!" "也許的確是一場賭博,但不買六合彩的話,永遠不會中獎吧?" "愈早起步愈有利啊! 人人都遲疑不快,渾渾噩噩地過日子!!!" 冇錯！愈早起步愈有利！ｅ＋既我,有睇開我個卜既都知道我讀緊中三,好快,真係好快就會選科,e+ 我都仲未有一個明確既目標！一諗到這裡,我就覺得自己好沒用, 是的,我可不想渾渾噩噩地過日子,搵一份平庸既工作就過一世！

   我知道測驗好重要,但係我覺得如果我吾打呢篇野出來,我一定會忐忑不安,整天坐在書桌面前也不知道自己在什麼.....沒錯,我已經不再是小朋友了,十四歲的我仲有幾年拎埋身分證就係大人喇,十四歲,已經可以做人媽媽了(當然,等極端的例子不太合適....)我由尋晚就已經徘徊係"到底我應不應該將這篇東西打出來好?" 然而我最終都是把這篇東西打了出來.....雖然可以單單把我的感受寫到我的日記中(雖然很老套,但我也有寫日記,雖然很久都沒有寫過.....),但我都想將佢放到網上,為自己留個記錄............而且圖文並茂有趣得多~       最重要係我的同學十個有九個都係寫Xanga ,有幾多個會好似我咁寫"卜" ?!  我並不是十分介意他們怎樣想我~可是~可免則免喇~ 同埋可以睇吓大家有咩留言~很不錯呢~