七一回歸! 好日子!

今朝, DJ一如以往, 就係喺我同老公嘅鬧鐘響之前起身.. 今朝仲要早成個幾鐘.. 真係仲好鬼眼瞓架嘛...

俾咗支奶佢之後, 老公就同DJ玩, 我就去準備返工.. 車到DJ返托兒所, 入到佢個infant room, 放底佢俾啲"姐姐"(或者叫.. 中女).. 哇~ 阿仔勁喎! 冇喊噃!!! 犀利!

返到公司, 雖則話復工嘅Day 3, 真係開始多嘢做.. 鬼咩, 尋日要過Regional Centre開會.. 半日咁就過咗.. 跟住兩個新手嘅, 好學唔學, 鐘意玩"卸"膊.. 一係就件西裝褸嘅領, 可以企咗一半, 我喺我office見緊客, 一路冇機會出去同佢講.. 真係覺得自己開始老, 或者比較old-school, 見客嘅presentation好緊要架嘛.. 見到佢條半企領, 真係想C!!!

放工去接返佢, 啲姐姐話佢今日冇喊, 凈係放佢落床瞓中午覺時"er"咗幾嘢~ 睇嚟DJ真係開始適應嘞~ 開心開心!!