可能自己真係old-school! 真係好難想像點解啲人可以擘大眼講大話.. integrity真係唔駛要架咩?! 一啲都唔credible! 頂!
就叫此人做"新同事"啦! 新同事嘅特點, 就係做咗呢個職位半年有多, 仲當自己係新同事! 頂~ 佢interview嗰時話自己乜都識! 佢最叻, 仲可以係約個客12點appointment, 可以自己12點去食lunch! 嘩~ 冇嘢丫嘛! 全公司嘅人唔係要同你執手尾架啵!!!! 佢仲可以夠膽C, 去同我講話佢打咗俾個客叫個客遲啲到, 好衰唔衰, 老細要我問個客你有冇打俾佢, 個客話你冇噃.. 咁你就咪鬼約個客12點嚟啦! 你跟住又改口, 話你同個客個老婆講, 要改時間.. 妖~ 又唔係約個老婆, 咁你同個客個老婆講話改時間, 你就當同咗個客講! 咁多人C唔見你C!!!
你咁樣走咗出去, 我又要幫你見個客.. 我真係唔係你個assistant架啵.. 我啲嘢做唔哂, 係咪你做先?! 你份糧唔係出俾我架噃!!
佢俾老細鬧完, 有個客話想見佢, 佢竟然可以眾目睽睽之下,同另外一個客講:"你等等下~ 我啱啱俾老細鏟"
你俾老細鏟, 咁又如何.. 係咪要個客可憐你, 錫返你先.. 你咁同個客講, 咪盞個客覺得你唔掂! 你唔做錯嘢, 老細得鬼閒鏟你, 老細聽日都去旅行啦.. 你仲好意思係個客面前demean個老細...
希望我老細去旅行嘅呢3個禮拜, 我唔會俾阿"新同事"激到氣絕身亡!
仲同我講話老細鏟佢... 我覺得新同事好引人犯罪!!!! 好多人想dup你忝呀!!!!!
尾路迪 2009-07-23 02:01
嘩, 冇黎一排, 做乜咁激?!
不過的確好工難求, 好老細難求, 好同事更加難求!
Poifull2009-07-30 16:37
我家陣每日返少一個鐘, 因為要去接DJ, 真係冇咁多無聊時間同阿"新同事"執手尾.. 自己啲嘢都未做哂呀~ 陰公~
糟糠 2009-07-08 21:23
依家經濟唔好，佢仲咁嘅工作態度，睇怕好快唔駛撈。
Poifull2009-07-09 20:28
真係好想同佢講"你醒少少當幫忙啦"~
佢尋日仲得閒同我講, 話好恨結婚生仔... 仲問我, 睇下我啲客邊個有錢又single嘅, 介紹俾佢喎~
我真係就嚟俾佢激C架嘞!!!!