回娘家攞咗喼, 返到自己屋企之後, 先發現唔記得攞DJ張被.. 可以叫我嘅好brother幫我攞過嚟, 橫掂佢"要求"車我哋三個去機場.. (不過有少少唔明, 我brother做乜係都要話車我去機場呢? 話哂真係要未天光就出門口架啦喎.. 我都話搭的去機場架啦.. 咁鬼早! 唔通啲隱蔽青年想重見天日?!)
今日去auntie嘅"襪舖"再買咗幾對"鞋襪" (襪底有防跣嗰種), 好驚DJ去到奶奶屋企會跣到趴街(奶奶屋企大部份地方係鋪tiles.. 我驚DJ會跣底)
越稔越多嘢要攞.. 聽日仲要confirm daycare忝.. 仲要同新老細傾開工嘅安排.. 想頭兩個月返part-time... 要同佢慢慢傾
今晚同我個
契女個媽咪(蛇嫂)傾電話, 傾到high high哋...
蛇: 你知唔知政府會俾多啲錢俾maternity ward..
我: 咁又點?
蛇: 即係生B嘅時候, 喺醫院時要用嘅嘢都會俾埋你, 就連BB喺醫院用嘅尿片, 都係醫院supply埋
我: 你覺得好抵? 駛唔駛生對孖嘅, 抵返咁多年交過嘅稅?!
蛇: 唔好呱~
我: 你講到咁抵, 唔生就笨咁啵...
蛇: 你生先啦~ 我一個都搞唔掂
我: 好抵喎~ 生多幾個啦~
真係俾蛇嫂激死....
