積勞

　　　媽媽尋日去左驗血，結果指數落返兩個位，白血球上返正常水平，佢開心到吖。我反而有Ｄ擔心佢冀望過高，如果佢身體一但轉差，佢會仲失落…….不過點都好，媽媽心情轉好都係好事黎既。

　　奇就奇在佢一直無咩副作用，胃口又一流，一日食足4-5餐，睇黎佢今次可能真積勞成疾，之後佢放長假可能會比之前仲健康。

　　講開勞累，我係到做左兩個多月，開始有Ｄ積壓，好想去旅行呀……唔理，一過50個客即攞CL又好AL都好，去旅行。