珠海市拱北素食店

上星期六與朋友到中山浸溫泉鬆一鬆，好正呢。出發前做了少少資料收集，從 Club O 找到珠海拱北一間素食店。回程時途經澳門前，到那店子品嘗一下當地素食，館子名稱「日月軒素食坊」。

我們 order 了多味餸，可能大家早一天在溫泉區冇啖好食，食了一些冇質數的食品下肚子。今回 order 了七味，每碟都很大，幸好他們來少了一碟餸。

冷盤有麻辣土豆絲，相當爽口。

養顏湯水，材料十足，啖啖有料，飲左六碗的我，飽到呢～～～

先嚟的餸菜，香口茄子少辣，必需要熱食，凍咗差好遠。

非常清淡的蒸餃子，當我食時想起家裏自制的包餃子呢。

一碟清炒菜芯，也是我很喜歡的菜式，由於菜比較粗大，師父有技巧地在菜的表面括一野，令大家食起來一點渣也沒有，「正」！

欖菜炒飯，選用的珍珠米，味道恰當不太咸，Good~~~~

以上所有餸菜，均給四名女子幸苦全部掃蕩，真係好鬼大碟。大家有機會去試一試的話，記住要睇餸食飯丫，不要浪費食物。

P.S. 過左關最好塔的士去，行去都幾遠下。日月軒素食坊地址，在珠海市拱北粵華路中庭居３號鋪。