又到聖誕~ 又到聖誕~~
其實仲有兩個幾星期先到聖誕節, 不過論大家最鍾意嘅節日, 聖誕節必定係頭兩三位喇, 好多人都期待佢嘅來臨,
應該有唔少人已經準備為自己屋企佈置, 同時為聖誕節安排緊節目.
而Brian準備為屋企佈置之餘, 仲為朋友準備緊聖誕卡, 一張獨一無二嘅聖誕卡.
時間真係過得好快, 轉眼Hey Brian blog已經踏入第二個聖誕節, 如果你係早期就有睇依個blog嘅話,
應該會記得上一個聖誕節Brian都為blog友仔送上聖誕卡.
無論聖誕卡美或醜, 都係Brian嘅一點點心意, 希望大家唔好介意.
今年都一如往年, 希望收到Brian為你而做嘅聖誕卡, 就留言留低你嘅大名同email, 咁好快你就會收到一張醜怪聖誕卡咖喇.
最後唔好錫住Brian放馬過嚟, 你留得言我做得到, 我啲正能量爆晒燈, 等我將佢化成祝福分啲畀你啦!! 哈哈
kiekie 2009-12-09 02:06
WAH!你咁勁..自己整XMAS CARD!
我第一個報名要
~~大名. KIE KIE
EMAIL AH..
..........哈哈..!!!!!!!!!等你張card!!!!不見不散!!~~
HeyBrian2009-12-09 05:39
小朋友入, 大朋友出, 哈哈.
不過新年係一個好有喜慶感覺嘅日子, 都係數一數二大家喜歡嘅節日囉.
一啲都唔勁, 只係一啲小學生都會做嘅卡喇, 希望大家接收到Brian嘅心意啦.
好, 我搞好會send畀你喇