深夜影院 - 保持愛你

無聊既星期六下午，上網無意中搵到套戲《保持愛你》，咁又懶睇西片字幕，就睇下，本來以為係無聊戲，原來睇完都有少少意思。

呢套戲係由五個故事來呈現年青人的愛情態度

其中有一個係"愛情試用期"，個女仔要求個男仔試做佢男朋友3個月，但唔可以在其他人面前表現佢地既關係。個女仔係一個好純品好乖好斯文既女仔，在公司一直被上司同事欺負。個男仔係佢同事，一直都對佢好好。我本身睇呢個故仔就以為個女仔最後被個男仔真心誠意感動，點知... 故事發展係上司懷疑個女仔掙佢男友，所以公報私仇咁炒左個女仔，而個男人就在會上幫女仔出氣，講出佢地3個月前已開始拍拖。最後當然一齊唔駛做啦，咁個女仔就好感動咁答應佢做女朋友啦。但結果係，個女仔一轉身返屋企，再落樓就黎一個大變身，化濃妝性感衣著既打扮出來，仲上左一架車，原來個女仔真係同上司既男朋友有路。原來一開始就用個男仔黎過橋，逼開上司既懷疑，個女仔仲好串咁認為個男仔傻，接受試用期仲唔可以拖手唔可以錫錫唔可以咩咩..，自始就在男仔面前消失了。如果呢個在現實中都幾恐佈，表面上咁純情，原來都係拜金主義，完全俾佢呃晒，唉...女人真係咁可怕。

另外一個故仔"最後晚餐"，男女相方7年感情，已到了送院途中的急救階段。經過了一次又一次的爭吵，大家心知肚明彼此是兩個世界的人，分手好像是難以避免的事。大家最後一起過的情人節，在餐廳中大家恛憶起好多往事，這段也令我有點感覺。男女相方最後還是很關心對方，在掙脫不去結束這段感情。但往事只能回味，人是要向前看，往事是一種經歷一種成長，希望大家也可找到自己的幸福。