What kind of this guy

今天遇到一件事，引發我在這抒發一下情緒

今天中午接到一個朋友電話，想問我借500蚊，急要我馬上過數給他。我說借沒問題，但我在公司不能出街過數。朋友說本來想找 W (故事主角) 還錢的，但 W話唔方便。我聽到就馬上覺得奇怪，因為我知這個朋友年幾兩年前借了500給W，那麼久還沒還錢? 我便向朋友說: 我幫你問一下另一個朋友 K。(W跟K是情侶)

我打電話給 K，問他有沒有500借給我?

K: 戶口沒現金，不如你問W借。

我: W唔係無錢咩?

K: 係無錢，但都唔會500蚊都無掛。

我: 佢真係話500都無，你知佢之前欠一個朋友錢，佢還左未?

K: 唔知喎，又係你叫我唔好問佢。

我: 我而家話你知佢還未，今日那個朋友問佢借有急用，佢答人唔方便喎。

K: ………………..

之後我在MSN見到 W，我說: 你連500蚊都無還俾人呀? 但過了數小時也沒有回覆，但W一直ONLINE中。

本來W還不還錢不關我的事，但我真係睇唔過眼，因為之前我跟W發生了一些事。

事因我有一個朋友從外地會來香港玩，想我帶她們去一些特別的地方。我心諗我又不太熟，不如我搵多一個朋友也一起去玩，於是我搵了W，因為她有車，又對香港地方比較熟。W答覆沒問，還可開車出來，我也把W介紹給那個外地朋友認識，約定在數個月後來香港一起去玩。

到了外國朋友來到香港當天，我放工便約W，看她什麼時間可以開車來，談了一會，我感覺她好像不想開車出來似的? 最後我們也商量是開車到酒店接外國朋友。但她發問了一個問，一個我早早就知道她想問的問題。

W: 我開車無問題，但要夾番d油錢喎！

我: OK LA，要幾多錢? (心諗: 知你係咁，不過有車方便D)

W: 入番100蚊油都夠。

我: OK (我都懶理咁多，依依俄俄想要番油車就早響，女人真係女人！)

外國朋友來香港玩，我地做主，人地係客，呢D我無計咁多，我上車就俾左50蚊W，問佢咁樣一人一半OK嗎? 佢話OK，咁就出發去接人。好了到吃過晚飯，在埋單時，總共4個人 320蚊，每人80啦。不過外國朋友掙住埋單，咁W就俾左80蚊我，加埋我自己果份 160蚊俾番外國朋友，但佢地唔肯收，話都唔知幾時可以再見到你地，請你地食飯都好應該。咁之後開車繼續行程，最後接左K上車，大家5個人去左食糖水。呢D情況我當然識做去埋單啦，大約90-100左右，咁食完糖水就送左佢地返酒店。之後K話要去櫃員機一下，K落車後。

W問: 頭先俾你果80蚊，仲有淨幾D錢?

我: 係，你想要幾多? (我聽到佢咁問，我個心打個”凸”)

W: 有幾多咪幾多。

咁我就俾返40蚊佢，我心諗，人地請食飯，都萛俾左油錢你啦，我駛唔駛問返你退返油錢俾我先? W話過我份人計較，我真係想知呢d又係乜野囉?

原本第二日我地都約左一齊食晚飯，W就話6點約左朋友食飯，如果係佢要8點幾9點先可以join我地，我話無問題啦，我同外國朋友食住等你。咁我地9點先開始食，大約到9點45左右，W打電話俾我，問我地食完未。

我: 差唔多食完啦，你果邊食完未，你而家來差唔多啦！

W: 你地食完去邊? 除左去遊覽一下 蘭桂坊，仲有無其他地方想去?

我: 無想，佢地唔飲酒，只係去睇一下，影下相就返酒店，人地第二朝一早去澳門。

W: um…如果係咁…我唔黎啦！

我: 做咩唔黎?

W: 山長水遠咁又坐車離，離到又只係行一陣又走，無謂費浪30幾蚊車錢啦。

我: 哦，咁萛囉，Bye bye

咁都得!? 我都無野好講 = =！咁我就同外國朋友去。咁最後我坐MTR返屋企時，大約12點45，W打電話黎！

W: 送左佢地走未?

我: 同佢地坐MTR返去，我就繼續坐返屋企！

W: 聽日你係咪唔得閒同佢地食飯?

我:: 係，我晚上有事唔黎得，不過佢地都去澳門。

W: 佢地去澳門，話大約8點會返黎，如果你得閒都可以食飯。

我: 我唔得閒，你得既話咪同佢地去食囉！你又唔係未見過佢地。

W: 唔好啦，出黎食飯又要洗幾十蚊。

我: 唔係掛，人地第一晚都請左你食飯啦，我今晚都請返人地食飯啦，你請返人地都好應該啦！

W: 你又唔黎，都係唔好啦！

我: (我一直都聽到好嘈) 我黎唔黎同你出唔出去同佢地食飯有咩關係先? 你咁嘈去左唱k呀?

W: 唔係呀，我同d fd飲緊野。

我: 哦！咁唔阻你啦！88

故事完！

呢個W，我以前都唔覺得佢係咁既人，而家我深深感覺到佢真係女人到不得了，咁多小事都要計。油錢，同我計我都萛啦！果三四十蚊都好意思問我拎返。人地請左佢食飯，佢又借d唔出黎請返人，但自己有錢同朋友飲野。就連話坐果30蚊車都話費事。呢d叫朋友。在K面前要扮大方，用別人的錢請K食飯，就話遲d再同朋友計，最後咪又係無俾返錢。本來都唔想講呢d事，但佢今日有錢都唔還俾人，朋友有急需先問你還錢，係問你還，又唔係問你借。之前W有需要朋友借俾佢，W答應下個月出糧還。人地無追佢，佢又當無件事。成年幾兩年，連500蚊都還唔起? 成年人，一點點責任都負擔唔起? 唉！真係咁既女人都有！