深夜影院 - 魔間傳奇

深夜又睇左套舊片，魔間傳奇 (I Am Legend)。

老實講我打萛無聊求其搵d野黎睇下，睇完一個感覺係"矛盾，搵野o黎作"，但諗下又應該唔會咁簡單。

套片開始已話左有病毒入侵，之後過左3年，變左死城，得返主角一個人同一隻狗。被病毒入侵既人或動物，都會變左喪屍，跟住...估都估到啦。套戲好短，好快睇完。矛盾既係，明明話無人，最後又出現一大班人  ? 我諗返起到主角每日都有睇新聞，所以我覺得佢只想救返自己個城市，佢應該知道有其他地方有人。想拯救人，但最後自己也是要死? 但死用來配合返個戲名?

諗深一層，作者可能係想表達一d意思。呢套戲係劇情戲，描述主角在一個死城中孤獨作戰，這種恐佈和無助好得人驚。3年o黎都無人，佢自己仲要去同假人傾計，變左自閉仔，但佢仲係好堅強咁生活落去，一直去研究血清想解救一班喪屍。如果係我真係無咁偉大去諗辦法去救你既敵人。