網誌分類：欣子日记 |
琴日好唔容易等到星期五
点知一早就俾个消息SHOCK到
KK连续十年嘅东京巨蛋跨年CON无咗
变咗系大阪巨蛋开
顿时，心情异常哋复杂
连续十年啊，点可以话停就停（虽然只系改咗个地方）
连J家跨年都唔参加
就甘，怀着郁闷嘅心情翻到屋企
第一时间DOWN上期DB同33分侦探
睇见网上一堆人话KK要让位喇、KK时代结束喇、……
啊～～～心情更加……唔知点讲
奇怪嘅系，当我睇完DB同33之后
心情完全唔同晒（果两个男人系呢期DB度真系非一般地可爱，笑死我）
顿时心里面又充满住幸福感
其实认真甘谂下
年末CON仲有，只不过系变咗大阪巨蛋
跨年COUNTDOWN仲有，只不过系KK同自己嘅FANS一起
而且大阪系距哋两个人嘅家乡，屋企人都系果度
光一1月1日30岁嘅生日可以系自己家乡过
而且最重要嘅TSUYOSHI系身边
其实甘都几好啊
12月31号22：00大阪巨蛋嘅跨年CON
有KK、有KK嘅FANS、仲有KK嘅屋企人
一起倒数新年嘅同时，随便一起倒数光一嘅生日
哈哈，谂落都觉得温馨
十年后，回归到最初成长嘅地方
是否意味KK要重新起步
的确，无可能一成不变甘持续落去
从新单曲同之前嘅《PHI ABLUM》听得出
KK变紧，向另一个未知嘅方向
《PHI ABLUM》嘅曲风多变咗
新单曲用左JAZZ，虽然小众，坦白讲我第一次听都觉得麻麻
但系真系越听越好听，越听越有味道
我相信距哋所唱嘅：
EVERYBODY SING WITH US, KINKI KIDS FOREVER
WE'LL ALWAYS BE AROUND, ALWAYS STAY TOGETHER
所以从东京巨蛋到大阪巨蛋，只系另一个十年嘅开始！！
