沙灘之旅~~

尋日實在太唔得閒喇~~~搞到無乜時間寫BLOG~~

今日都好D~~我岩岩剪完頭髮之返屋企打BLOG~~~

尋日,我成家加埋霞姨(我呀媽個FD)一齊去沙灘玩~~~

呀霞姨勁早地起左身,拎埋位,我地都末起身,之後我地就炸炸林執好晒D野落去同霞姨飲茶~~~

我地叫左勁多野食,食到勁飽!!!!之後我地就搭地鐵去中環喇~~~係地鐵到咁岩係個袋度搵返係CAMP

度校長俾我地果隻公仔....

我:呢隻咪我去CAMP果陣校長俾我地隻公仔?!

媽:係WO

我:乜個校長咁菇寒,送埋D CHEAP野俾D學生...(講笑)

霞:物輕情義重呀~~~

我:不如送個優點俾我咪仲好...夠慳皮~~

霞:乜你咁大想頭- -''

爸:優點(優惠點心)$6.8,易啦~~~

我呀媽同霞姨係度勁笑..我就勁無奈- -

之後我地出地鐵轉巴士去沙灘...個死人巴士勁搖...搞到我地暈車浪...

熬完巴士之後終於到沙灘喇~~~~~~勁HAPPY~~我地一去到勁食野...食完野我地就打紙麻雀~

打完紙麻雀我老豆就出左去追住個太陽曬,我呀媽同霞姨就訓覺,我呀媽訓之前仲叫我拎個吹氣床出黎

泵氣- -''我泵完之後佢就醒左...之後仲同老豆出海玩,拋底我同霞姨- -霞姨游水都幾叻嫁~~~不過...

佢無帶泳衣,不過我...算啦=  =''唔游咪唔游囉,我呀媽同老豆仲串我...

佢地游完水返黎話好好玩串我,勁無奈..之後我地就離開沙灘喇~~

原來星期六,日有直通小巴來往旺角-0-我地蠢左TIM:P

我地上左車,嫁車又勁搖,我地又暈車浪- -到旺角既時候先無咁搖到落車既時候就發生左段小插曲...

D人逐個俾錢同落車,落到個紅衫仔個司機大叫:紅衫仔,你末俾錢喎,揸住都唔俾我?!

跟住個紅衫仔勁咁俾錢..我地一落車就勁笑,咁呢D人又抵既,諗住執執搏唔多覺唔俾錢,點知個

司機又鬼死咁醒目,捉到正一正...

之後我地就去左呢間叫做..泉章居既野度食飯,雖然D服務態度唔係咁好,不過D野真係好正,尤其係

個筍殼魚,正到乜咁!!!!!!>3333<

食完飯我地就拉左霞姨上黎屋企打返四圈先準走~~

跟住我有幾次排都俾人拎住晒,叫極都食唔到,我就引用返司機叔叔既說話''有無搞錯?!揸住都唔俾我''

跟住都係食唔到,因為佢地真係揸住都唔俾我= =搞到我輸甩褲...