抽筋的真理

每年重陽, 我都會登高
司徒兄是我自中學認識的朋友, 肌肉紮實, 骨骼強壯
做乜運動都咁掂當, 仲好唱得好健談
賣單找數佢會是第一個人肉計數機

07年重陽, 司徒兄和我, 仲有另外兩個朋友到吊燈籠探險去
由於我們都未行過那段路, 從芬其托上的一段路上落繁多
下山時又好似進入了熱帶雨林一樣
真的明白吊燈籠為何叫吊燈籠
這山的名字一直掛在我們口邊

走到鹿頸前的一段樓梯, 我發覺自己大臂開始拉緊不受控制
「司徒司徒, 我唔得喇, 我抽筋喇」我說.
「抽筋呀?」司徒兄一邊上梯級一邊沉靜地說,「繼續行喇, 條筋硬左就唔痛架喇」
*o* <-- 我的反應

08年, 司徒兄和我又在重陽登山去, 是獅子山
行了幾級大樓梯, 再急步一段路後, 我說：「我有點抽筋的跡象, 雖然還未開始抽」
「山人你知道嗎？」司徒兄說, 「你行唔到毅行者, 係因為你唔夠意志力」
「意志力?」
「你睇你, 一抽筋就會停低唔行, 點夠意志力!!」
*O* <-- 我的反應

謝謝你, 司徒兄
你令我明白到咩叫意志力, 以及如何訓練意志力!
雖然我的意志力還未練成
但是, 我希望, 明年參加毅行者, 走畢100km的麥里浩徑

***以下是題外話***
今年司徒兄重陽忙, 教唔到我新一課抽筋堂
山人, 是一個硬頸任性的人
所以就算一個人, 也要在重陽登高去 : P
這條路, 其實是上次同朋友走了3/4, 今天我走埋餘下的1/4
路 ~ 是要走的, 就算一個人也要走