青衣南橋

南橋是最早興建的一條通往青衣的橋, 相連葵涌和青衣. 後來有北橋(青荃橋)、長青隧道橋、地鐵橋、汀九橋, , 當然還有青馬大橋. 青衣是一個多橋的小島, 而這個小島其實本身就是市區與大嶼山之間的一座橋.

廿年前青葵一帶耐唔耐就會塞車塞鑊金, 有時要在巴士上等半句鐘有多才離開樽頸位. 有一次從深水埗坐車回家途中, 實在塞車得太厲害了. 於是許多人都落車沿橋步行回家. 那是唯一一次在橋上行走, 只記得驚. 條橋好高, 個海好深, 跌落去的話就.......不得了.

是日心血來潮, 好想再走走南橋, 但是行了另一方向. 這條橋已經變了許多喇. 長青邨也不年青了......雖然常常一個人四圍去, 但是我其實一D都唔大膽. 我想靠在橋上影相時, 膽怯自己握不實相機而掉下海入面, 又怕眼鏡會無哪哪鬆脫跌下去. 再加上背後比平時嘈吵好多的車聲, 塵土飛揚, 我真係腳軟呢!

p.s. Nikon D700 + AF Nikkor 28-105mm f/3.5-4.5D