台北旅行 - Day 3 (Last Day)

嘩! 真係咪講笑, 對脚真係唔見咗咁, 條腰好似斷咗咁, 幾大鑊! 真係唔認老都唔得, 行個一日之嘛, 好似就嚟屎咁!

開心快樂真係不知時日過, 今日就係last day, 雖然手上嘅錢洗淨得返少少, 都要作最後衝刺. 先食過花枝羔同柯仔煎做早餐, 跟住就行街shopping, 我就買咗對耳環, 同Paggy仲一齊買咗頂帽tim, 好開心呀!

 我哋嘅新帽呀!

返酒店就坐飛狗大巴往機場返歸lu!! 去到機場, 我仲帶住姊妹們好似花師奶咁, 殺盡機場d試食部, 噴埋人哋免稅店嘅香水, 搽埋貴到亞媽都唔認得嘅hand cream先上機, 哈哈!! 不過, 都唔夠Paggy 姐勁, 臨尾都要响新東陽買包台幣80元的零食, 誓要洗淨一蚊咁話喎, 笑鬼屎!

旅行後記:

1) 其實今次去旅行,  一早都plan咗, 不過同事有突發事, 先改到今時今日. 幸好, 今次嘅旅行真係好開心, 好舒服! 因為同兩位同事好夾, 而者大家都唔係個d根根計較嘅人, 所以玩嘅時候大家都唔駛特突就嚟就去. 不過, 真係好多謝佢哋, 因為佢哋都陪我行咗好多我想行嘅地方, 謝謝!

2) 幸福真係唔係必然, 開心咗幾日, 返嚟又要繼續生活, 又要對住激到我屎屎吓嘅仔! 最令我意想不到嘅係,  一落機打比我妹, 先知屎肥仔仲未做完功課, 老媽子同肥仔仲要唔响屋企, 嬲到我屎屎吓! 其實我應該多謝我妹先啱, 因為佢幫我睇住肥仔幾日, 我先有機會出去relax吓, 但唔知點解, 個一刻真係好嬲, 嬲佢無督實肥仔做功課, 嬲佢帶咗媽咪同個仔响佢到...... 突然感到點解幸福永遠都唔會响自己身邊, 點解個天成日比少少幸福我, 好快又搶返走, 只係好短好短暫嘅幸福...... 我無諗過屋企唔會無人, 所以無帶key, 就係咁, 坐住個行李响屋企門口成粒鐘, 等工人返嚟開門, 諗諗吓又喊咗出嚟.....