課餘活動

濠濠參加了學校管樂訓練班, 佢自願地又被選中吹Saxophone, 之前佢話要學吹喇叭, 我真係比佢激到吹喇叭就真! 我上網比佢睇吓人哋吹出嚟嘅聲, 大家一致都覺得Saxophone好聽d, 濠濠就貪佢吹到首歌. 講真, 真係揀吹喇叭都幾大鑊, 好刺耳ga ma!

濠濠都幾花心(似佢屎人老豆), 一時又話想吹長笛, 一時又話想學琴, 搞搞吓鬼咁多嘢學, 家吓响學校吹Saxophone同口風琴, 出面就學吹長笛, 實在無可能再學多樣樂器, 太多啦! 所以要放棄啱啱開始學嘅鋼琴!

要安排佢嘅課餘時間除咗有樂器, 仲有美術同學術課目, 樣樣都要兼備, 而且要分配好時間, 都幾頭痛! 本來想佢繼續學游水, 問佢佢又話驚凍, 我又驚佢上水時冷陣, 你哋知啦, 佢又肥又輪鬼俊ga ma, 所以學到十月就唔再學, 停幾個月後先之再學返.

濠濠而家嘅課餘活動時間:

星期一  跆拳道

星期三   Saxophone

星期四  彩虹畫

星期五   長笛、Kumon、美勞

星期六   英文文法、珠心算

我就多數星期一至四放工後同佢做功課、溫書或黙書, 星期五我就約朋友出去蒲, 星期六同佢做功課、溫書或備課, 星期日同佢出去玩. 係咪好忙呢! 我都係得一日時間屬於自己ga咋!