濠濠: 媽媽, 我有好消息!

每次濠濠一同我講: "媽咪, 我有好消息話你知!" 我立即就好似卡通片入面d卡通人物咁, 額頭滴咗粒好大嘅汗!

濠濠今日又案件重演, 打電話去我公司, 好雀躍咁同我講: "媽咪, 我有個好消息話你知!"

我: "吓.... 又有好消息?! 仔呀, 你d好消息亞媽好驚吓喎!"

仔: "我中文默書今日100分呀!"

我: "E.... 真係好消息喎, 咁就叻仔啦!"

仔: "媽咪, 我仲有一個好消息tim!"

我又開始滴咗粒大汗, 震住聲咁問: "仔, 又咩好消息呀?"

仔: "啦, 媽咪, 個好消息係, 我問咗我同學王仲衡攞咗個電話號碼呀!"

我即刻又變咗卡通片嘅卡通人物額頭旁邊篤咗3篤咁: "吓..... 咁點算好消息呀?"

仔: "梗係好消息啦, 我唔識做功課咪可以問佢囉!"

我: "吓........."