濠濠生日!!

話咁快, 濠濠又大一歲, 真係轉眼間就7歲仔啦, 我真係有d唔係好慣, 見到個仔咁大, 又証明自己越來越老! 我都係好懷念佢細個個時得意嘅樣!

之前同佢講過, 到佢小學我就唔再幫佢搞生日會, 除咗話花很多錢外, 主要又唔想朋友洗錢, 而且實在收陣嘅禮物大多數都係玩具, 所以今年開始, 就係咁易幾個好朋友或屋企人慶祝算了.

媽咪買的蛋糕!

本來今晚約好咗表妹仔一家嚟, 但因為表妹仔要去表演同攞奬, 所以嚟唔到! 咁我哋就同Uncle Matthew一齊去荃新天地北海道活壽司度食晚飯. 點知叫到一枱都係嘢, 食到個個都反晒眼! 我仲差d飽到嘔! 不過, 有我之愛嘅納豆壽司, 正呀!總共食咗22碟嘢, 加3碟天婦羅及1碗拉麵!

濠濠最鐘意食壽司, 見到呢間有比卡超波子汽水開心到不得了!                     濠濠至愛比卡超! 濠濠都算高呀!

之後, 我哋食得太飽, 所以決定慢慢行路返屋企, 唔係睇怕都食唔落個生日蛋糕都似! 經過綠陽新村嘅商場, Matthew係咁話要買嘢送比濠濠, 我話唔駛, 因為之前佢已經送咗封大利是比濠濠, 點好意思先得ga?!

最後都買咗好多嘢比濠濠!                                                                                         Matthew叔叔送嘅禮物!仲有兩張100蚊嘅Cash card.

返到屋企, 等埋Jackson哥哥嚟就一齊切蛋糕, 由於Jackson哥哥唔識路, 所以架車兜錯路! 差幾分鐘就過12點, 真係比佢嚇鬼屎!大合照!大家有無留意到, 龜龜都有份唱生日歌, 係濠濠邀請埋佢, 好搞笑!