3月3日(哀傷)

        最近有位網友隻狗狗病仲要留醫，佢留言版上話希望朋友們俾支持和為狗狗打氣，當然我亦都誠心打氣和祝願！令我好感動係好多網友都不斷為狗狗打氣，我自已都問候過幾次，心唸狗狗一定冇事！點知到今日個主人再留言，隻狗狗已往彩虹橋，我不其然流下兩滴眼淚！感覺似身邊突然失去某！當然我相信狗主比我會更傷心，我亦都希望狗主振作，身體為重！

         我覺得有樣事好奇妙，隻狗狗和主人我未曾見過面，但對狗狗感覺好似自已身邊仔女一樣，感覺好親切！講到尾其實我都唔知自已想講咩！只係知，心情有失落！我相信只有曾經失去過愛寵主人先會明白。

        話時話，妹妹同小球，您係咪彩虹橋呀！爸 B 和媽咪都好掛住您，要好好照顧自已，有咩事反報夢話我聽呀！

在那遙遠的天邊星際，

有一座橋連接天與地，
叫做「彩虹橋」，
因為它有著繽紛的色彩，
橋的這一端，
是綿延的草原，
山兵與河谷，一片綠草如茵。
每當深愛的寵物死後，
他就會去那個地方。
那裡永遠都有食物、水和溫暖的春天。
老而贏弱的動物再度年輕，
殘廢的再度健全，
整日一起玩耍。