沒有你的第八十一天

分開左第八十一天
你係唔係就開學喇

好耐無踢波喇
今日終於的起心肝
起身去踢波

唔知係唔係好耐無郁
跑左陣就覺得無咩氣
又熱
好在帶左水

不過十二點幾就開始有雨喇
明明頭先好好太陽
一轉過頭就勁大雨
又無帶遮喎
結果就濕哂喇

冷氣勁凍
成身都濕左
up住好唔舒服
連鞋都入哂水
好在有帶多件衫同涼鞋換姐
不過就無帶褲
坐又係坐得唔自在
焗住哂

踢波個陣見到一個七八歲既小朋友
可能連七八歲都無
自己一個同大過佢好多既人踢
咁細個人已經粗口爛舌
同人講野態度都有問題
到底佢爸爸媽媽去左邊
點解唔理個仔呢?

其實覺得果位小朋友好可憐
咁細個無人理
學壞哂
真係擔心佢遲早一日會掂煙
一個唔好彩掂埋毒品
咁佢成世仔就玩完嫁喇

點解父母可以咁忍心唔理自己個仔女呢
由得佢自己一個自生自滅
仔女有咩危險都唔知啦

我都叫好彩
如個陣都叫做有人理下我
不過諗起幼稚園個陣都唔係咁好受
當時爸爸要返大陸做野
一星期返黎一日半
每晚都要自己訓
得個三四歲人仔
晚晚都係自己一個人係間房入面
無人理我
差唔多晚晚都會喊

成個星期最開心既時候就係爸爸返黎果日
爸爸走既時候又會忍唔住喊
喊得比平時都緊要
諗返起都覺得唔開心

細個陣怕黑怕鬼怕怪獸
不過久而久之
我竟然一d都唔怕黑
唔怕鬼唔怕怪獸
份人仲好沙膽
哈