還是覺得妳最好

前幾日係街撞到一位中學同學, 大家唔算好熟, 見面都係問下其他舊同學既近況。問到一位曾經係兄弟既近況, 當日同佢有好大既誤會, 到今日我都唔想同佢再contact, 因為我根本唔知應該點樣同佢溝通。佢同所有識既朋友話我係網誌「中傷」佢...無錯, 係佢所有識既朋友都講, 依家全世界都覺得我真係單方面「中傷」佢, 覺得我唔妥佢......感覺好無奈, 我好想問：「究竟依家係邊個中傷邊個?」
我只係同果位中學同學講大家有誤會, 無同佢慢慢解釋, 因為我覺得無需要, 學另一位兄弟話齋：「我地自己明白就夠。」但同時我覺得, 既然一件明明係兩個人既事都可以搞到咁既情況, 要重修舊好真係好困難, 最少呢一刻我無咁既動力。

離職既計劃改完又改, 十二月中﹑十二月尾﹑一月初...自己都未下定主意。心好想盡快離開呢個唔開心既地方, 但同時我又覺得我應該為受影響既同伴負番多少責任, 而且亦要考慮到要避免被高層留難既問題......今日又有一個新既計劃, 唔知過幾日會唔會又再修改...好煩呀！

今日無意中睇到一段Yahoo既宣傳片, 拍得Stephy幾靚, 佢把聲超sweet~Cap左幾張相俾大家睇：(足本版:http://hk.promotions.yahoo.com/buzz2009/)

雖然唱歌走音, 出書寫錯字, 拍寫真靠電腦執相... 不過睇左咁多年總有份情意結, Stephy始終都係我理想既女友類型~最鍾意佢呢個中間分界, 鄰家少女既形象~