中環晚飯記

今個星期過得OK開心, 無風無浪又到星期五喇, 聽日約左小麗唱K, 希望佢唔駛開太長OT啦......

上星期六同旭南去左黃金買機, 不過佢個package唔包Window, 所以尋晚放工交收完就去中環俾隻Window佢, 順便大家食餐飯。佢帶我左一間係士丹利街既樓上茶餐廳食, 全部manu一律$30,係中環黎講真係非常抵食！

同佢呻完一輪關於工作上既苦水之後, 我講番關於我偷睇Hapi個blog既事, 正所謂「愛之深, 責之切」, 佢即刻鬧我：「真係想小你！ 人地依家生活成點關你鬼事咩? 你咁無聊, 不如我send幾條咸片link俾你睇喇！」哈哈~ 咁又唔駛, 反正咸片我日日都睇啦~XD
之後旭南話我當日都無對Hapi唔住, 佢無理由咁憎我, 我最多都係衰咸濕jei, 「不過你都唔係好過份jei, 呢d野你情我願架嘛...」由我自己講係唔係過份, 好似有d無說服力, 自問以前真係過份左少少, 次次出街隻手都唔規矩, 不過我再過份都好, 起碼我無同佢上床, 亦從來無為左同佢上床而同佢一齊......最後旭南問我：「你咁在意佢點諗你有乜用呢? 如果佢依家話好想見到你, 你會唔會即刻仆去搵佢丫?」我當然答：「唔會, 點會呢?」, 旭南好有默契咁答：「唉...我知你會...」知我者旭南也, 無野暪得過佢, 哈哈~

之後我地講起一個現象, 就係無論你係蜥蝪仔或者肥仔, 只要打扮得夠潮, 一樣大把女要, 似乎依家d靚妹都唔mind條仔原本個樣係點, 只要識著衫識梳頭就已經夠, 不過諗諗下, 其實依家d靚妹咪又係一樣, 個個戴cap帽電鬈髮戴大眼仔扮JM扮Baby, 原本個樣係點都已經遮晒。仲有一個新現象, 以前我地果個年代, 肥仔一向都較少著落, 但依家就反而好吃香, 都係果句：「識扮潮就得啦」, 再唔係就走搞笑路線搞下gag (肥仔搞gag可能特別好笑), 唔通依家d女覺得肥仔多肉好攬d, 會有多d安全感?