血濺翔東

07年9月15日係一個好難忘嘅日子... 果日一早三點幾起身, 預計4:45am出門口食過早餐就向東涌進發, 準備8am嘅翔東路計時賽。不過好可惜, 未比賽已經炒左 事緣果朝6:10am 左右到左小蠔灣, 見個朋友喺度搞緊架車, 自己走去轆左一小段路, 之後見佢都 ready 噤就一齊出去熱吓身... 由於時間唔多, 聯會車啱啱到左, 即係好快會封路, 加上我見個朋友仔又冇咩特別裝備, 所以就好「輕鬆」噤出去....

由於想試吓自己可以去到幾多, 加上我見又有人陪 (因為之後係自己一個踩) 好性嘅我可能真係快左少少, 估唔到一起步無耐就甩左個 frd, 佢仲話追唔到我 (真係唔多相信) 之後都唔記得左咩原因就炒左,可能時間太快, 我連驚都唔識驚就躂左喺地下, 我諗我個朋友仲驚過我因為佢見到我成面血 (真係唔好意思喇!) 其實果刻我好似聽到佢講話 call 白車, 我仲記得話唔洗, 心諗洗唔洗噤大穫, 因為果時我都唔知自己流緊血, 後尾救護車到我都唔知 lu, 冇晒記憶直到到左急症室, 我先好似有啲知覺, 不過淨係記得佢地要剪開我衫, 我係噤喊住話唔好, 因為身為Vigor車隊嘅一份子, 當然要好好保護件車隊衫ga ma, 不過當然最後都係比佢剪爛左喇 (真係好心痛) ....... 後來送左我上腦外科病房, 再縫針, 之後再去做腦素描, 好彩冇咩大礙, 只係塊面傷啲 jer, 左邊面腫到真係媽咪都唔認得我, 我果幾日完全唔敢照鏡....住左5日醫院, 終於可以俾我返屋企...... yeah!!

喺度想再次多謝大家嘅關心同送上嘅祝福, 今次真係令好多人擔心, 尤其係我嘅屋企人, 唔好意思!!

特別鳴謝: 世界冠軍阿寶–送上嘅短片與祝福.... 光哥–無限嘅支持同關心, 以後我會繼續努力練車.... 深少–搞到你冇得比賽, 送我去醫院, 唔好意思.... 貝兒, 喺醫院好彩有你日日同我sms, 放工又趕黎陪我, 我先冇噤悶.... 恩曦團契–不斷為我祈禱.... 仲有其他來自各方嘅車友  thanks so so so...... much

http://orientaldaily.on.cc/cgi-bin/nsrch.cgi?seq=668665