小炒王 - 大尾督篇

尋晚真黑仔, 放工一出車喺屋企樓下條斜路就甩腳, 搞到急停跳落地俾佢"硬"親, 已經好鬼痛之後就直闖科學園, 再入大尾督 dinner... 一直都相安無事, 到出番去果時就有意外發生!! 由於自己冇技術加上太快, 反應遲鈍嘅我為左避開條柱, 就噤痴左埋牆, 隻手係噤擦落塊牆度, 但架車又好似唔識停噤, 仲要繼續去, 好彩未跌埋落個坑度, 唔係已經... 唔知點 但結果.... 兩條軚全軍覆沒, 右邊 pat pat 瘀左, 左手手指擦損左啲 (不過而家仲好鬼痛唔知點解??) 同埋腫左少少.... 右手前臂好似拉親, 一用力就痛...慘慘!! 好彩喺朋友協助下, 換左對新鞋, 不過當時毫無力水嘅我迫住繼續踩出大埔. 可惜.... 途中又再次爆多次前軚, 癲架!! 一晚用5條軚!!! 我已經痛到唔想踩, 仲比噤多考驗我, 好彩最後都仲可勉強踩返出大埔火車站, 有人車我返屋企 jack!! 真係好鬼驚 ~~

特別鳴謝: 光哥, 輝哥, 深少, 阿平, 同陳生借出私家車一部