樂浪島 (Part II)

係樂浪島既第二日一早，導遊帶左我到去另一個沙灘到浮潛睇沉船同珊瑚礁，呢個沙灘令我好心痛，因為沙灘滿佈死左既珊瑚。聽導遊講10幾年幾仲未有咁多遊客既時候，呢到係好靚好靚的，可惜d遊客並冇愛惜呢個咁靚既環境。導遊話珊瑚只可以用眼、用心去欣賞，絕對唔可以用手觸摸，更加唔可以企上去，但偏偏就俾我睇到有唔少遊客企上珊瑚礁，呢種行為真係令我既憤怒又難過！

沙灘附近有個小島，感覺好似拍戲d荒島咁

黃昏我地去左釣魚，成績同釣墨魚一樣咁彪秉，而且我地釣到好多斑同埋魚，仲好大條添呀。

呢條斑係我釣架，連埋呢條我一共釣到4條魚，除左條紅衫魚外，全部都係大魚呢

之後我地拎晒d魚返酒店，由酒店代煮，可能酒店大廚全都係馬拉人，所以佢地唔多識煮

第四日係樂浪島食完早餐後，我地要返吉隆坡了，大家都好唔捨得咁快就要離開樂浪島，於是我食完早餐，趁仲有少少時間就係泳池邊影左呢張相。

係呀，又要搭番呢架內陸機返吉隆坡呀，不過今之冇咁驚喇

仲影左好多雲既相添呀

返到吉隆坡，大家立即變得冇咁雀躍，無他既，城市人去到城市地方，都係覺得不外如是，但最值得一提既係「魚醫生」。d魚會將你腳上既死皮全部食晒架，哈！最初我都幾怕架，因為感覺好痕，但耐左就會覺得都幾舒服。而且佢地真係好勤力，不停咁幫你去死皮喎，辛苦晒喇！半小時終於過去，摸一摸自己對腳...... 滑到呢.....滑到我真係有個衝動相連塊面都放埋落去呀 。如果下次再有機會去吉隆坡的話，我一定要再睇亞「魚醫生」！

果到有份兩邊，一邊係大小小既魚，另一邊係細魚，我當然係揀細魚呢邊啦。只係你放對腳落去，佢地就會立即開工，你睇！佢地幾勤力！

黎到呢到行程接近尾聲喇，第五日，我地去左買少少手信，然後到雙子塔既food court食左個lunch，之後就到機場準備搭飛機返港。

始終覺得夜晚既雙子塔靚得多，所以我只係影張佢既夜景相

搭飛喇，已經係黃昏了，你睇呢個日落幾咁吸引同神秘

返到黎俾我睇到呢個奧運倒計時，梗係要影番張相證明我返黎時距黎奧運時間尚有48日啦