重尋回憶

記得中五那年，學校選了大網仔為我地果級既旅行地點，其實真係一d都唔覺得開心，因為大網仔係一個普通既地方，唔明學校點解差不多年年都係揀西貢做旅行地點！

就係我好悶既時候，同學J走黎同我講話亞SIR打算到隔離行下，問我去唔去。心諗反正咁悶，去行下都好。於是我地兩人連同一位唔多熟既同學仔就跟著亞SIR行到隔離既一堆到，原來中間有一條人行出黎既小斜路，沿路落到底，出現我眼前既地方實在令我驚喜！

一個草原，中間仲有一條小河，小河既水清到可以好清楚咁見到石仔同魚仔，成個地方就好似一幅畫咁，亦好似一個拍古裝既地方咁，好美！好美！可惜當時沒相機。

心裡一直好想再到此一遊，可惜確實位置我卻忘了，於是今日特意同螢光棒到大網仔重尋這個如畫既地方，可惜....搵唔到呢，唉！好失望！真係好失望！到底係我搵唔到，定係呢個地方已經唔存在呢? 希望會係後者吧!

遠望見到有好多樹，初時不以為然。但當我走近低頭一睇時，先發現原來D樹生係海入面架，我呢D市井人邊有咁多機會見到呢D情境呀，於是就好興奮咁、好開心咁係到影相，成個大鄉里咁！

第一次去到早禾坑碼頭，又是一個看日落的好地方，可惜當泊好車走到過去時，太陽經已下班了

呢兩支街燈俾我感覺佢地就好似一對嗌左交既情侶，互不揪睬咁，好得意，希望佢地早日和好如初啦

影呢張相時，已經完全天黑了，但我唔心息，於是就用左夜間模式黎影，估唔到個效果幾特別。