懷疑被某新娘化妝師電話騷擾?!

2009-06-09

話說今天早上9點半突然收到一個電話SMS :

「八婆，你咁醜樣都嫁得出，做你老公真係可憐，要對住個16比9平面方角大闊面+死魚眼+扁鼻+血盤大口+哨牙+成面粒粒+波平如鏡飛機場+腳短，係咪形容得好似呢? 你仲以為自己好靚呀? 成日放自己D相上Blog，夠膽放張無化解0既相啦! 試下唔好張D頭髮遮住塊平面方角呀! 真係可憐，唉! 第日生個B出黎好似你咁0既樣就真係影響市容，相由心生，你生得出算啦! 你老公娶著你真係前世，豬扒 八婆」

我沒有Save化妝師Olivia Liu的電話號碼，不過巧合地我出了這篇Blog後數天 ( 婚禮後記 : 新娘化妝Triangel Cici (附加可惡化妝師的後繼事情)  )，就收到這個SMS，遲唔Send早唔Send在我這篇罵人的Blog出來不久才收到，還猛數我「真人」有幾樣衰，我除了懷疑她還可以懷疑誰呢(而且有我的電話號碼)。我打電話給可愛老公並把整段說話告訴他，可愛老公笑說早就料到我出了該篇Blog就一定有手尾，最大嫌疑亦是這位化妝師。我們大家都認為沒有必要回電話，人家有心玩野是找不到她的。說不定她看完我這段又會再Send SMS笑我「白痴低能弱智低B你估錯人」之類，呵呵! 所以無需費時扯她出來。

對於她的指控我覺得毫無特別 :

1.   我經常也說我沒化妝相當嚇人，像街市師奶阿嬸云云。不過明星都差不多哦! 你不是那麼天真嘛??

2.    我經常說自己因為闊面所以要側面+用頭髮遮面拍照，拍照當然是希望用好的一面同角度啦! 難度突登影自己最樣衰角度咩?! 你有沒有用腦? 不過我結婚當日全靠Cici側面同正面都見得人，兩邊頭髮梳起亦No problem! 個樣又精靈，是靠化妝又如何? 化妝品一向是女人恩物， 你不要白痴走來說我什麼靠化妝啦。你是不是要向全體的新娘子挑戰呀??

3.   扁鼻+血盤大口+哨牙? 扁鼻這個由細到大連我媽都話我啦，血盤大口? 我認我個口都大架。哨牙? 咪就係得化果幾個核突妝D相哨牙囉! 真奇怪。

4.   成面粒粒? 我皮膚一向不好，我不是經常掛在口邊嗎=.=? 不過結婚果排皮膚又OK! 狀態很好，看了我這麼多既漂亮狀態又好的婚照很妒忌呢? 唔妒忌又點會講咁多我沒化妝有幾樣衰叫我放沒化妝的相的廢話丫? 噢! 了解! 原來人家妒忌嘛! 喂! 踩多兩句啦! 日日Send個Message過來，被別人妒忌的感覺其實很爽的。

5.    波平如鏡? 哈哈! 又是我自己經常掛在口邊的說話!

6.    腳短? 喂! 好悶! 又是另一句經常掛在口邊的說話!

7.   我自己化妝那些我從來不覺得靚呀! 我都不曉得化妝，不過Cici幫我的還有影婚紗相那些我覺得靚呀! 唔係你話我係豬扒醜樣就等於係架嘛傻婆。

其實閣下打了一篇連我自己都經常掛在口邊的說話幹什麼=.=? 看完我的Reply後是不是覺得你打的東西很沒新意? 不如你直接打電話黎同我啦。我對住自己都係有碗話碗有碟話碟的人，我成日都話自己又肥又大肚腩成個街市師奶阿嬸自娛，你講一堆踩到我仲衰過屎塌的廢話又如何呢。你真的這麼妒忌嘛?!

8. 後加一句，其實不用擔心我有沒有仔生，倒是擔心一下閣下的子女把口會跟你一樣。