又一星期

時間真的過得很快，再多二星期二零零七年又過了四份一。下個月就是我的生日，又大一年，自從出來社會工作，時間就像流水般飛逝。轉眼間已投身社會七年。但這七年裹，除了第一年外，其餘的日子大部份時間都冇白費。

要保持競爭，必須分秒必爭，要有Strategic Plan，正所謂放長線，釣大魚。凡事看長線，最初可能會好辛苦，第一年出黎工作，完全當公司係遊樂場。玩咗年就開始認真做事。專心做好自己的工作。因經驗不足，所以盡量有機會學新野就一定會試。知都自己仲欠張沙紙就要去攞，在讀書和要更多私人時間中有時就要取捨。

正所謂人望高處，我係一個不甘願只求平平隱隱就算的人，所以通常我在每間公司工作的時間不太長，最長都只係三年。破船都有三分釘，即使間公司有幾唔似樣，或貨不對辦，得到你想要的東西後就好離場，找另一個機會另謀高就。