"味"" 力沒法擋 - 藍莓芝士蛋糕

電腦部Micheal 生日，佢拍檔請我代整蛋糕，平日成日麻煩佢地，我當然會照辦啦。  整左最易整又最最最好味的紐約芝士配藍莓醬。 d同事最鐘情呢個蛋糕 (特別係個餅底) ，尤其係Joyce, 我一拎個蛋糕出黎，佢就同我講： (唔該你打橫片一刀，我淨係要個底得喇!!) ， 佢仲話佢生日個蛋糕整係整個底就得啦，唔駛要上面o個層添。真係比佢笑死。

用左500g忌廉芝士，整左一個7吋模之餘，仲整左４個迷你裝比老公同阿B享用，真係無論男女老少，對呢個蛋糕都無抗拒之力架。