心淡....

原來我一直以黎都當佢係好朋友果位

佢根本唔當我係佢既朋友

我諗連陌生人都不如

清楚感覺到佢刻意拉開我地之間既距離

我好唔開心, 估唔到咁辛苦搵番佢, 結果會係咁

咁其實係咪唔搵好過搵, 等記憶停留係最開心既時候?

原來從來都只有自己一頭熱去擔心佢有無事

驚佢有咩事, 擔心佢一個人撐唔撐得住

至於我既近況佢一句都無問起過

我問佢而家既近況, 或者約佢出黎食下飯, 佢都只係敷衍回應

相反就俾我見到佢對其他舊同學好熱情好開心咁傾緊幾時約出黎.....

可能其實我一直都好乞人憎, 只係我自己唔知?

呢幾晚為左呢件事喊左好多次

因為我真係當佢係我最好既朋友, 如果當日無佢, 可能就無今日既我.....

可能會比而家更加自閉.....

我唔知我應該點做... 呢d 事我真係唔識得處理......

十一月我想重新開始...

想忘記d 唔開心既事...

想唔好咁執著.....