2009世界女排大獎賽

琴日同lover, 仲有一個好耐無見既朋友, 一齊去睇世界女排大獎賽, 我地一口氣睇左兩場賽事, 兩場比賽總共打左九局, 多米尼加對波蘭打左五局才分勝負, 最後波蘭勝出, 中國對荷蘭打四局, 最後中國隊勝出... 香港站係其中一個分站, 雖然中國隊勝出香港分站既比賽, 但係計得失球等等技術評分後總分卻低於荷蘭隊, 取得亞軍, 不過兩隊實力的確旗鼓相當, 荷蘭隊穿12號球衣的"費拿"(Flier)非常強勁, 開波, 扣波, 攔波範範掂, 真係好厲害, 荷蘭隊整體表現很好, 很有組織, 對中國隊的進攻防守顯得很硬朗, 球員之間很有默契... 荷蘭運動員的心理素質也很強, 荷蘭隊首先連輸兩回合, 但係士氣一樣很高昂, 係第三回合, 曾經出現兩個問題波, 懷疑裁判處理不公偏袒荷蘭隊, 現場觀眾替中國隊不忿起哄並向荷蘭隊發出噓聲, 但係荷蘭隊一點也不受影響, 反而打得更落力, 球員更齊心, 第三局追回一局... 於第四局, 其實荷蘭隊表現甚佳, 最初領先中國隊兩至三分, 但係中國隊氣勢如鴻, 後來居上反超前, 最後, 荷蘭隊開波失誤失掉了最後一分, 比賽結束, 荷蘭隊雖然輸了, 仍然很有禮貌地向中國隊隊員握手擁抱, 這些就是運動員精神, 很值得敬佩...

係現場睇比賽同係電視睇真係好唔同, 現場氣氛緊張熱烈, 另外, 最深深感受到的, 係運動員的熱力和精神...