私人影院

唔知幾時開始，睇戲已經成為我首位的HOBBY，但係香港睇戲實在有太多討厭的人，有人睇戲時傾計、自言自語、食野D膠袋同爆谷聲、甚至傾電話，去一D無咁闊落的戲院，後面果個人總係會成日撐你椅背，總之就同坐巴士睇ROADSHOW無乜分別。

今日係第一日上殺神特工，我一向都鍾意睇ANGELINA，係螢幕上佢有一種攝人魅，只要有佢係鏡頭裡，目光就唔能夠離開佢，所以依齣戲個主角跟本就無可能特出，雖然ANGELINA都唔係主角，但佢一出場，我相信無人會留意男主角。點解我只係會話"相信"？因為今日我睇戲根本都無其他觀眾，今朝一早醒左訓唔著，四圍搵下邊間睇戲少D人，一打開殺神特工果一頁，可能係第一日上畫，睇左幾間都唔少人，最後見到最底DIRECTOR'S CLUB有得做，仲諗住實俾人買晒D中間位，點知原來一個人都無，我心諗雖然係要百幾蚊張飛，但係出面咁大雨，就算去圓方少D人加兩程的士價錢都同我去DIRECTOR'S CLUB睇差唔多咋喎，仲要包埋野食同自己一個人睇晒成個HOUSE喎！咁唔洗諗啦！依度我唔係第一次黎，但得一個人打橫訓都得，感覺真係兩回事，唔怪得D有錢佬屋企要有個私人影院，有機會真係要試下係度打WINNING先得！