網誌分類：World Cup 2006 |
正當睇到差不多訓著, 等睇加時之時, 意大利補時突然黎料,
最後仲畀全場都未落過底線既格羅素搏到12碼, 咁就贏左/輸左。
成班澳洲球員輸左都好似唔知發生左咩事咁...
波, 真係圓既!
意大利喺馬達拉斯被逐之前形勢都唔錯, 雖然澳洲控球較多,
但實際攻勢冇乜, 反而意大利幾腳就猜到心臟。
老金童都算打得幾好, 畀幾腳都好靚, 係東尼/基拿甸奴把握得唔好。
但打少件之後澳洲控球時間比上半場更誇張, 但一路都冇板斧入球,
冇左「基維蝦」少左瓣, 冇埋艾馬頓再少多瓣, 搞到成個下半場悶到死,
拿拿臨入一球收工, 對唔少球迷黎講都係個好既結局/解脫。
好彩意大利下場對手「只係」瑞士/烏克蘭, 晉級難度似乎冇其他強隊咁高。
不過, 波, 真係圓既, 話唔定意大利下場就....
