畢業禮

今日熊貓去咗 Poly 度同姪女影畢業相，嘩！  人山人海呀！而且人人手裡面都有一個戴住四方帽嘅公仔，咪就係同我早兩日親手將頂帽縫上去隻青蛙度嗰種囉！  咩原來呢個真係一個指定動作來架？  唔怪之得出面商場賣呢類公仔賣得咁貴啦！

好在熊貓都有一隻送比姪女，唔駛人人都有而佢無響手啊！   hehe~ 不過原來佢自己都有一隻係戴咗四方帽嘅青蛙，只係嗰隻唔係我呢種，係另一款青蛙， 好在咋！

我地響學校度行來行去，為要想搵個較好位置影吓相，不過每個稍為值得影相嘅地方都要排隊等位，真係犀利！  今日其實都唔係影咗好多張相，不過就已經汗流浹背喇！真係辛苦晒！  

見到姪女畢業都好替佢開心，不過其實有樣嘢都幾叫熊貓感動嘅   ，就係佢自己好知道，今日畢業最開心嘅其實並唔係佢自己，而係佢身邊兩位～ 佢爸媽！   我相信識得咁樣諗嘅人，佢心裡面都真係感激自己嘅父母嘅！  我亦相信佢有呢種想法，佢真係已經大個女喇！

見今日屋企人數都叫多，所以提議不如打邊爐，人多至可以食得多樣唔同嘅嘢食 ma！睇吓！有我好鍾意嘅肥牛啊！

阿嫂一家最鍾意嘅湯底啊！

又有我打邊爐指定動作～ 花生醬汁！用佢來點肥牛好好味架！