自家蟹

今日食自家蟹！   話自家蟹，當然唔係指自己養架啦！係買返屋企自己煮呀！

熊貓為咗呢一餐，連生意都放棄呀！  其實係咁嘅！星期六約咗 KLAS 舊同事燒烤，而當中有位同事一時興起想同我訂一個藍莓芝士蛋糕同佢女女慶祝，如果我做嘅話，燒烤當日可以順便比埋佢地一齊享用   。其實我都好想接架呢單生意，因為大家未試過我手藝，可以有個機會宣傳一吓 ma！  但因為我今晚要食呢餐美食，返到屋企就會好夜，如果再開埋爐做蛋糕嘅話，一定又會做到半夜三更囉！  不過都無壓力嘅！因為舊同事話有無都可以！  所以最終我都係為咗食而放棄一單生意囉！  hehe~ 食得是福 ma！

響吉仔島買咗大閘蟹自己煮，都唔錯啊！又平，又可以一人食到兩隻  ，有某 D 人可以兩隻多一半（咪係我囉！hehe ~~！）

雖然唔大隻，不過兩隻都開心啦！  又之不過其實兩隻都唔係好夠，應該要三隻或四隻至叫做可以囉！  

仲有好大隻嘅象拔蚌，係粉絲蒜蓉蒸呀！都好味喎！   又係一人兩隻！可以多 Ｄ 就好Ｄ囉！

有好味嘅羊咩咩！   對於我唔係好食羊嘅都覺得好味又唔羶，真係唔錯！   又係一人兩件，唉！都唔係好夠食啊！   因為唔同牛咁大塊 ma！如果有牛就好啦！  點解唔可以兩者居得呢？

仲有冰凍嘅啤酒！

仲有菜！

唔記得影低薑茶啊！  不過唔夠甜囉！都係東海好飲好多！

好飽呀今晚！