BBQ @ 消房局俱樂部

同 KLAS 同事已經好耐無再見面，對上一次再見番面係八月嘅晚飯時，見番一 D 熟悉嘅面孔都好開心，令我諗番起以前大家一齊共事嘅日子   。記得以前我地成班同事響午飯嘅時間，大家十個八個響廚房度玩  UNO ，當時個個玩得興起，時時都忍唔住大叫出來   ；響大家生日時，又會輪流出街食飯慶祝，又會買蛋糕同送禮物（好似標會咁！記得當時，偶爾都會有 d d  唔願意架！hehe ~  ）我地又試過響好凍嘅時候一齊入去瑜景灣消房局BBQ，我仲記得我地可以試坐雲梯同試著消防員嘅制服呀！又試過大家一齊坐公司遊艇出海釣魚等   ；依家諗番起，都好懷念架！因 為當時大家都相處得開心同和睦  ，無咩人事方面爭鬥囉！

今晚係第二次再見，地點係麗晶消防員俱樂部，出席人數大概有二十人，而最緊要係呢堆人當中都係我地以前玩埋同一堆嘅   ，佢地各自帶埋家人出席，所以就有二十人，不過人數有限，如果唔係，相信有某  d  我都好想見番嘅同事就可以一齊參加啦！

聽講呢度曾經裝修過，第一次來，地方都好唔錯，免費租爐，一個爐可以容納二十人左右，四周空氣清新，偶爾又有涼風吹來  ，又有公園地方比小朋友玩。我地由四點半開始，預早揀好地方，執拾清潔後，五點開始預備食物飲品同用具，有同事好好已經預早買來大量食物，大家只需自擕餐具到來（因為想環保啊！）  ，之後我地一齊去買飲品同材料就可以喇！

大家有講有笑，我就仍然充當攝記，都好享受當中一齊分享嘅時間。  不過，我更加享受當中嘅食物，全場最吸引嘅就係大蝦， 一人可以享用兩隻呀！好大隻，好好味呢～    

哈哈！不過熊貓始終都離唔開甜品呀！就係燒棉花糖同搽咗蜜糖嘅方包囉！

今晚好開心，差唔多十點大家至執拾清潔一吓場地之後就離開，同事們好好，仲車埋我地返屋企呢～