哥哥 BD (下)

呢個蛋糕叫做「桌球達人」，個中文名好似好奇怪咁！ 英文名就叫做 “Tiramisu & Manago cake”，都好聽小小嘅！係今日放工我響東海堂買比阿哥生日嘅！上次大圍慶祝時，一人只分得一件仔，見今日係正日，不如買個 cake 等佢開心吓！今次我地可以大大件咁食喇！

不過因為星期日係父親節，所以正常嘅蛋糕幾乎無咩咁滯，得番嘅係嗰 d 一望落去就知係比爸爸們嘅蛋糕！ 除非你預早訂定就可以有番平日一般見到嗰 d 囉！我因為差唔多臨收工先決定買，所以無得幾多比我選擇。 有d 好好味又好想食嘅就一早賣晒，我睇完一間又一間，好難揀之餘，最後終於揀咗呢個！

因為比佢大大粒嘅士多卑利吸引我囉！ 又因為阿哥好鍾意食士多卑利囉！ 又加上我近來成日都好恨食 Tiramisu，一直想搵日自己做番個來食，但又未有時間同機會，今次見個 cake 面層有少少係 Tiramisu，所以就決定買呢個囉！

不過其實都唔係好明！有 D 蛋糕係一件恤衫打領太嘅，咁你就會聯想起父親，呢個都叫合情理囉！ 之但係，點解呢個蛋糕做成一個桌球檯咁嘅嘢，就會令人聯想到同父親們有關嘅呢吓？ 咩父親就實會同實識打桌球嘅咩？ 我估，其實後生仔會識呢樣嘢多過大部份父親囉！不過是旦啦！ 總之都係一個象徵嘅嘢食 jei！

其實呢個 cake 都幾大個架，有磅半重！睇怕最少都要食兩三日喇！hehe~   (其實都係益咗我自己呢！) 味道一般啦！而士多卑利亦都係一般啦！ 只不過佢好大粒好似好靚咁囉！不過，佢中間夾咗芒果肉響度，都幾新鮮好味喎！