Marco Polo Prince

基本上熊貓平日都好少響街度買 Cheese Cake 嘅，最多係真係忍唔住  ，好想好想食嘅先至會去 Delifrance or Italian Tomato 買一件頂住癮  ，否則都寧願自己整好過 ，因為唔捨得比錢囉！成廿幾蚊件架！真係會有少少肉赤架！

  今晚去咗 TST，食飯之前行過 The Marco Polo Prince Hotel 嘅餐廳，見門口放咗佢地自家嘅 Blueberry Cheese Cake，睇落都幾唔錯啊！ 仲可以試食呀！

唔！   芝士都幾滑啊！雖然唔係濃芝士味（起碼我做嘅濃味過佢啊！ 不過我做嘅無佢咁滑個質感！實在 d 架！  ）但 $45 有一個，六吋左右啦！  價錢都可以啊！睇到有小小流口水，咁六吋一個四個人分，一人都有兩件啊！都可以大家一齊試吓喎！  而且見到佢個盒好靚好特別架！於是就買咗嘞！

你覺唔覺個盒好似好太空 feel 咁呀？

紙盒多面睇！  唔知點解呢～ 一睇呢個樣我就覺得有種 Hermes 手袋 feel 啊！

個蛋糕靚嗎？  佢面頭仲灑咗層糖霜做裝飾架！我要學吓人先！

睇吓！人家個面用藍莓醬加多幾粒新鮮嘅藍莓，刻意唔均勻咁鋪都咁靚啊！   但我自家製嘅都試過學人地自然 d 唔均勻咁鋪啦！ 但硬係睇落無人家做嘅咁順眼呢～  既然自己做唔均勻唔靚，咁唯有每次鋪面就刻意鋪得好圓同好均勻囉！蝦！到底點先有人家嗰種自然 feel 呢？

食完兩件其實都食唔出佢餅底係 d 咩來嘅！佢唔似普通餅乾底   ，因為有滑同軟棉棉嘅感覺！又唔似蛋糕底吖！唉！食唔出係咩添！  

我地響  food court  度盡快食完就即刻來個甜品，嘩！真係開心啦！  佢可能因為芝士唔濃味，所以我地每人連氣食兩件都無問題呀！如果食我自家製嘅，一定會好「漏」架喇！ 我估，以我嘅小宇宙，可以一連食三件呢個 cake 嘅！hehe ～

好味道呢～ 唔駛一陣就食晒喇！ 哈哈！有機會同人夾份嘅話可以再買多次來食啊！

同場加影：

經過尖東海旁，見到有激光 show 啊！  不過可惜我部機唔係勁嘢，所以影唔到咩效果出來啊！但影到呢 d 公仔，都唔錯呀！