例假

平日行 ikea 時，經過餐廳都會見到堆充滿晒人，而且仲有好多響樹等位 。熊貓一次都未響嗰度食過，雖然每次經過都聞到好香 ，不過嗰度個樣好似好貴咁！所以一直都無咩意欲去食。

今日兩點幾去食嘢時，終於都有位喇！仲可以揀位添！  於是就揀咗可以望到街景嘅位置坐。原來嗰度食嘢都唔貴啊！同一般快餐店價差唔多，而且睇落都好似幾好味道啊！

我地要咗一份白汁磨菇意炒同海鮮菠菜意粉餐，再加茄汁肉丸，都唔錯啊！  

(下面係菠菜意粉呀！  ）

我個菠菜意粉好好味啊！仲有個肉丸，我見張張檯嘅客人都幾乎會叫呢樣嘢！ 佢仲會「畢」少少薯片落去配個肉丸架！不過可惜個店員唔集中精神 ，我講咗兩次叫佢加多 d 薯片比我，佢第一次聽唔到，第二次竟然「畢」多匙茄汁比我，真係激死！

今日好開心有日生日例假，今年公司都好唔錯 （我覺得呢間公司唯一可取之處就係員工福利都幾好，起碼一年有十四日大假，我以前曾經做過一年只得十一二日；今年多咗一 d 例假，比如生日有一日例假，可以一年裡面任你咩時間放咗呢一日；男仕可享有三日產假，可以陪伴照顧太太；喪假；緍假都好似有；響度結婚嘅又會有唔知一千定幾百蚊利是比你喎！  ）。

放假最好就係可以無憂咁訓覺，我估禽晚真係好耐無試過咁好訓架喇！  今日訓醒都已經係中午時份，可以去行街同食嘢，鍾意做咩就做咩，你話日日唔駛做可以咁舒服係幾咁好嘅一件事呢！   如果聽日都唔駛返工你話幾好呢！

跟住去咗探阿爸，已經好多個月無去探佢喇！  十五號係阿爸嘅生忌，想去幫佢清潔一吓地方，又帶咗扎花仔去探佢，起碼都同佢講聲生日快樂  ma！  不過因為時間好趕，墳場原來四點半關門，我起初仲以為五點鐘，攪到我跑上跑落買花 ，成身汗 ，家姐話其實唔駛買花都得啦！反正阿爸都唔鍾意花！   我話唔緊要啦！我鍾意 ma！哈哈！（我地屋企人都好明白阿爸係個大男人，絕對唔鍾意呢 d  咁唔實際嘅嘢！ ）其實係因為唔想連 d 小禮物都唔帶去送比阿爸，兩手空空咁唔好 ma！ ）不過來去都咁怱怱！清潔完走時都遲咗五分鐘，等我仲想同阿爸傾多句都唔得，因為我怕過鐘時人家鎖會大閘 ，到時比人關咗響墳場出唔到來就大件事喇！