哥哥 BD (上)

「我們這一家」響剛過咗嘅星期六，提為哥哥慶祝生日，因為大家貴人事忙，響正日嗰兩日都唔得閒囉！  

今次想比哥哥一個驚喜，所以之前無同佢講咩事要大食一餐，而以佢咁蠢，當然唔會發現我地將會有所行動啦！

今次計劃都幾順利， 先多謝海太太同海先生肯特別借出佢地嘅豪宅比我地開 party，而佢地亦提供埋飲品、薯片、雪糕、baby、紅酒同冷氣比我地享用 ，海先生更親自下廚為我地煎牛扒、羊扒同豬扒（一陣你地就可以親眼睇到佢煎牛扒嘅英姿架喇！），響度再次多謝佢地嘅大力支持同辛苦嘅付出！

當日食物種類唔算多，不過都叫我地每一個食到捧住個肚話好飽呢！ 有牛扒、羊扒、豬扒、大蝦、水牛芝士雜菜沙津同魚生飯等 。今次我地肉類安排全權交比 baby 契爺負責，佢叫我地可以享用到又平又好味嘅豬牛羊扒，真係辛苦晒你喇！

另外，今次我地買咗好大隻嘅大蝦，一人仲可以食到三隻啊！隻隻都好爽架！ 我仲用刀叉來食添！嘩！依家諗起都想再食多次呢！

（海氏提供嘅紅酒 ）

（呢個就係高大威.......猛嘅海先生喇！ 佢著住一件好得意嘅史迪仔圍裙同埋著住條鮮紅色嘅孖煙囪響度好落力咁煎扒呀！）

（ 牛扒先生，話每塊都有半吋厚同差唔多 100 g 喎！）

（ 牛扒 先生～下次應該唔會好似今次咁，煮你咁耐架喇！ 我知下次你一定會軟熟 d 咁比我地享用架呢！）

（又係海氏提供嘅汽水同啤酒 ）

（羊扒小姐  ）

（大蝦先生  ）

（呢個係我地第一次食嘅魚生飯，都幾好喎！ 係海氏極力推介嘅！不過佢正式個名應該係叫做魚生 pizza 喎！）

（水牛雜菜沙津太太 ）

最後出場嘅當然係主角～生日蛋糕啦！ 因為哥哥一直唔鍾意食我做嘅蛋糕，而我亦從來無諗過做一個比佢，於是我地就去左 Taste 嘅 Pappagillo 度買 cake 嘞！ 第一次食呢個牌子嘅 cake，見佢個個 cake 都幾靚架 bor！ 聽人地講話佢嘅 ice-cream cake 好味，不過我都仲未有機會食！ 

今次大家揀咗呢個咖啡拿破倫蛋糕，因為好靚同埋好似好好味咁囉！ 不過食拿玻倫蛋糕其實都幾麻煩架！佢好難切囉！ d 一層層同一塊塊嘅脆脆一切就碎晒架喇！不過味道都 ok！

好多謝大家今次嘅合作同出席呀！我地下次再食過！