東京7天遊速報 (下)

DAY  3  :  三鷹 ' 下北澤

 如果要我選呢7日裡最令我難忘同埋回味既地方 , 我可以毫不考慮答你 . 係位於三鷹既三鷹之森Giibli美術館(港人多數稱為宮崎俊博物館) , 全館以日本國寶級漫畫家宮崎俊筆下既動畫為題 . 此館亦係佢設計, 地方雖然細 , 但內裡超靚 , 而裡面所賣既精品簡直唔買唔得 , 但要注意 , 館內嚴禁影相 , 露天位就點影都得.......等菲林攪掂後我會再專題介紹.........



^館內嚴禁影相 , 至於呢兩張係點影既就...............................呀.....................唔.............................................


^場館既室外基本上每個位都係必影既 , 但要數最多人影既一定係佢...............


^我超鐘意呀 , 還買左佢既精品送俾自己...........


^當然要影返張例牌合照啦..........

^離開三鷹後 , 去左好近既下北澤 , 呢度同原宿有點似 , 但當然賣既野無咁貴啦 . .超多古著店 , 古著迷一定要黎............

^呢度間間鋪都好有型格 , 想搵到好野真係要逐間逐間慢慢行 .

DAY  4  :  東京迪士尼樂園

坦白講 , 我香港個迪士尼都無去過 . 因為一直對迪士尼無興趣 , 但因為聽講東京既全世界最大最靚既 , 為左感受下 , 是但啦.....................唉.............點知...........



^係呀 , 好大呀 . 不過要分開兩個地區收費(另外一邊係海洋為題) .....



^場館裡我唯一感到興趣既主題 , 但超多人排隊............算把啦...........

DAY  6  :  淺草 ' 秋葉原 ' 台場

淺草既雷門和淺草寺之後會作專題介紹

^淺草必到景點之一 , 雷門.


^必到景點二 ,淺草寺 .


^下午去左電車男聖地秋葉原 , 因為我和同行友人對電子和動漫興趣不算太大 , 所以只係象徵式行下就算 .



^因為係午飯時間 , 我地決定係秋葉原解決午餐問題 , 去試左有小小變態感覺既女僕人餐廳 , 可惜唔俾影相 , 但感覺好攪笑 , 見到好多電車男百態..............

^扮完電車男 (扮...????) , 跟住就去左台場 , 台場這地方不能不去 , 有出名既彩虹橋(夜景相左朋友那處) . 而作為車迷既就一定要去汽車主題樂園Mega  Web . 有新車展 . 可試坐無人駕駛既車 , 如你有車牌更可試駕 . 另一還有一個老爺車館 , 超正 , 遲些會多放一點相上黎(又係等緊菲林呀......) . 上圖係新舊同場既AE86和FT86 .


^台場另一景點 , 超大型幸福摩天輪 ,有幾大???高115公呎 , 直徑100公呎 .  ....... 咩話???對呎吋零概念???sorry.................幫你唔到 ..........

DAY  6  : 箱根

一個字--------正 , 呢度之後都一定會作重點介紹


^每一季也有特色 , 秋天都唔錯呀 .

^可惜個日有點煙霞, 唔能夠好清楚見到富士山 .

^箱根一景 .

DAY 7 : 上野

很無聊的一天 , 行左一陣上野公園 , 買了一點手信就去機場準備回港................


                                       .................等待菲林中.....................