長洲遊 之 太平清醮 (上)

^ 唔覺唔覺 , 我上次黎長洲已經係5年前既事. 今日令我係咁好陽光 (晒到呢..........!!)既情況下舊地重遊 . 推動力就係一年一次既長洲太平清醮 . 大家唔好奇怪我點解因這原因會去長洲 , 我反而覺得最奇怪既係 , 太平清醮已舉辦左 N 咁多年 , 而我成30歲人先第一次 睇.......................你話吊詭唔吊詭喇...........~~!!

^雖然只是5年的時間 , 但我已完全忘記左長洲係點樣 , 所以呢次對我黎講都算有新鮮感 .

^慶典未開始 , 所以先在長洲的橫街小巷行下 , 感覺有點像西貢 .

^長洲對於一D有歷史價值既建築物保留得唔錯 .

^同行既四名友人 . 左起 教主華 ' 嚴重覆姓人 ' 扮野輝 ' 素食菲 ...............

^難得的一張5人合照 .

^途中發現有間個名頗為 ""騎呢""醫院 , 英文亦都頗為攪笑............~~~~

^太平清醮特點之一 , 大花牌...............

^整個長洲都充滿節日氣氛 .

^因為係佛誕既關係 , 所以好多食店只會提供素食 , 因為呢個原因 , 我地既午飯就係眼前既素食公仔麵 . 傳統既佛教素食加上日清既公仔麵 , 就好似少林工夫加足球一樣 , 有得諗 , 有得諗..................

^點解長洲既太平清醮咁有名 ? 咪就係因為包山囉 , 所以路邊有時會見到呢類迷你包山裝飾 .

^新鮮出爐 , 10蚊三個~~抵食又好味~~

^中間個位"嚴重覆姓人"又動作多多搶鏡..............!!!!!!

^近幾年係平安包引申中黎既週邊產品 .

^其實種類都幾多 , 杯 ' T ' 褲 ' 貼紙............

^而我就好豪地 , 用10大元買左個電話裝飾品 .