想了又想

吾開心左幾日, 終於諗通左, 幾吾願意都好, 都吾可以攞個bb仔條命仔黎較飛, 我有諗過吾入院等作動先去急症, 但係醫院已經無再約時間覆診, 即係話呢37周至40週, bb係無醫生跟進, 這個真空期令我非常不安, 一直以來, 醫院一直follow得非常好..突然係這個緊要關頭, 點講有點兒那個.... 似乎任意莽為的性格又在支配著我 , 這個我人格上的一 個缺點啊!!! 另一方面, 上帝安排得個日期, 吾駛望穿秋水咁等bb出世可能係一件好事呢, 在這10個月, 嘗盡恩典, 點解都臨尾反而質疑呢 ?

既然已經決定, 除左這幾天要好好休息抖足精神外, 亦要加快準備家居, 迎接小生命的來臨. 砌床仔, 抺窗, 換被, 拖地等等, 這幾天忙死老公囉, 老公都正式入紙申請假期了 

在網上右抄左抄咁搵左產後最基本的食 和 飲, (做法有幾十種, 揀左d簡單易整o既)

炒米茶

炒米白鑊炒白米/紅米，炒到金黃色。稍涼後放入真空壼, (炒米只可以放個多兩個月。

第一款    : 陳皮炒米茶：

(開刀)  陳皮四分一片，炒米適量（手抓一把米）

做法：陳皮浸軟，洗淨刮瓤；將陳皮同炒米放入茶煲，用滾水焗十分鐘, 飲得。

第二款 : 南棗/紅棗炒米薑茶 (用真空煲)

(順產)南棗五粒/紅棗十五粒去核，薑幾片，炒米適量（手抓一把米）（留意：開刀就要 薑變陳皮。）

做法：南棗，薑，炒米，用滾水慢火煲約半個鐘就OK, 隔起米粒,

將南棗, 薑, 水倒入暖壼備用。

炒薑飯

1. 煲飯攤凍,唔好太軟,因為太軟即係水多.d飯炒起時就會黐住一舊舊
2. 薑汁:洗淨薑,去皮用磨薑茸的刨磨成薑茸,將薑茸榨汁,渣唔要, 有D人鐘意連薑茸炒,但我唔食所以唔要渣
3. 用油熱隻鑊,落飯.炒到D飯鬆開到一粒粒,乾身, (加一隻蛋)
4. 最后加薑汁炒幾炒收火.
   
   

如產後出冷汗, 發冷發熱 (同學仔提供)

浮小麥 1兩 , 10粒紅棗去核 , 3碗水煲埋一碗