深圳灣大橋開通儀式

七月一日，隨萫慶祝香港回歸中國十周年紀念的同時，深圳灣大橋及中港旅檢大樓亦正式啟用。由我們之前開會、睇景、開會、再開會、又開會、綵排，到D-day那一天，老土都要說一句，我覺得學到很多東西，尤其是跟Almaz學習怎樣和平地笑著駕馭一班聲大大的contractors，那種大將之風，我真係一世都學唔到。

其實成個過程都好多變數，非在我們的掌握之內。大橋方面，一開始一廂情願在離橋面 一百五十米 高的橋柱頂裝remote cam，到D-day前幾日環管局以安全為由而不批准，其實都一早都估到。失去最高的beauty shot，都臨時搵到附近一個山頭影到整條大橋及彼岸的深圳，卻因為距離太遠而影響OB跟camman的穩定溝通。D-day當日，負責運送攝影器材上山的車因為忘記帶已申請的通行證而遲了很多才到達，最後警方不准許上山，我們被迫臨時在橋上另覓位置放機，一來失去了一個最廣闊的畫面交代環境，二來那是博大霧之舉，沒有事先申請根本不可能放任何物品於橋上任何位置，事實上有警察問cam-man問題，不過好彩最後沒有干預。而正式做show時，cam-man抹鏡頭的畫面上了天，on-air時成個過程inter-com都不能跟四部機順利溝通等等。

搞了這麼多天，各方面隆重其事去籌劃，其實只為了胡錦濤車隊經過橋上的幾分鐘。不過胡總未有體恤民情，在橋上高速行駛，連衝絲帶一刻都用最少時速六、 七十公里 ，部機都差些pan唔不到。不過我地寓工作於娛樂，總算留低很多得意回憶，而我一早估計到每一日都會有拍照的環節，所以服飾上力求多元化、不重覆！

**補充於七月十三日，憤慨地：

今日公司就七一回歸一連串節目而頒發感謝狀予各部門，當中個別同事仲有處長的鼓勵信，睇到名單上有阿文個名，阿包：「阿文都好，有個好下場！」讀過書的我話：「可唔可以好聽啲，話『有個完美的句號』？」事實上我戥阿文好開心，因為呢封信對佢來講，可以話係對佢呢幾年唔計較冇保留咁幫公司做嘢的一個肯定，有呢件大事在前，我根本冇介意自己冇份……住。直至獅子王煞有介事走過來同我講：「名額有限，希望你唔好介意啦！」

火─都─嚟─！！

Production成team人係得我同Margaret冇份，雖然掛名係「standby導演」，但係我地開足會去足recee，我夠膽講成個過程的參與甚至比人多，當日有份做嘢都應該喺inter-com聽得好清楚，我同Margaret把聲真係未停過，嘈到爆，但係偏偏人有我冇，名額有限但係八個人當中就有六個可以上台嘅。我做咁多嘢為咩啫，求虛榮架之嘛！你就偏偏由人工調整至員工培訓到而家一張紙你都唔預我一份！你一定會後悔架！

(發表日期：2007年7月9日)