倒楣的生日!

星期五係我既生日, 今年適逢我張迪士尼平價飛可以入去兼可以攞埋個生日襟章, 所以上午過海攞左銀行換番嚟既超市劵之後,我同細家姐食完飯就去左迪士尼hea左個零鐘!

呢個就係POKKA CAFE既會員生日免費蜜麥多士, 好食!

之後就番舖頭接媽咪去紅磡都會海逸食buffet! 一路都好好地既, 點知一坐底, 個人就急轉直下, 食左幾舊熟食,同食左幾杯甜品就唔可以食落去,對眼就係咁望住媽咪食, 個人就凍到騰騰震,坐左個幾鐘就好掃興咁走, 媽咪一定食到回本, 而我就嘥晒d野!

呢D就係我食左既野, 有杏汁燉燕窩,海鮮,同我最愛既甜品, 就係食左咁少野, 真嘥錢!

之後就即刻搭車番屯門睇24小時醫生, 真係好彩有呢d醫生, 唔係入醫院都似, 打左針番到屋企食埋藥已經好d! 但係到星期六右邊身痛到死, 媽咪就即刻同我落樓睇醫生, 醫生話我咳傷左d神經線,又係打左支針,之後食左2次藥都無咁痛!跟住就係我呢8年以來第一次因為病而無開工!好左有休息, 因為食左d藥就係咁嘔, 係屋企都好d!

今日個病又嚴重左, 又要去番睇開個醫生度睇, 佢話我咳到肺膜炎, 睇下食藥好唔好d,唔係就要去照肺!

我真係慘, 每逢生日前後都會病, 但係就係今次就金, 呢個月都睇左仟幾蚊醫生, 希望個病快d好啦, 唔係我日日行路都好似個老人家咁, 行得又慢又辛苦啦!