歲半雪橇犬尋家!

以下是轉至16媽blog!

大家快d幫下呢個又可愛又乖既小朋友啦!

"16媽": 頭先收到"蛋撻Q媽"o既"e貓", 一睇..........好悽涼! 再睇................好想喊!

麻煩大家幫吓手喇! 幫吓呢個可憐o既"Better小朋友"喇! Please~

歲半雪橇‏尋家 以下轉貼自: [HEART Blog]

可以給我一個家嗎？我以後會聽話，我會乖，你唔好唔要我啦﹗
以上呢句說話，係電影片段上出現過不少，但係現實生活裡面，可以講係出玩過無數次，以下係一段真人真狗既故事，請大家用愛心去看，用愛心去理解。多謝﹗

件事係咁既．．．

話說我朋友有一日見到呢隻好污糟既雪撬狗仔係個露天停車場度被一群街狗打到好傷，見佢咁慘就諗住夜晚帶d野俾佢食，點知當晚就落傾盤大雨，佢成身都濕哂，不但只，佢都仲企係停車埸門口坐，好似等緊一個人咁，成身有多處傷痕仲流緊血，望見佢個心都好酸，但無辦法，朋友間屋已經有三隻狗係屋企，無可能容納到佢，咁唯有帶佢去左一個有頂蓋既地方，幫佢抺乾淨個身，俾d乾淨既狗糧同肉佢食，佢倨然好精伶咁俾手仔我個朋友，仲伸脷去鍚鍚我朋友，我朋友見佢咁乖咁聽話，就決定先帶走佢去我朋友果間公司度，等佢無咁慘唔駛過流浪既生活，點知．．．．．。


第二日既早上，我朋友番工之前就去停車場接佢，渣車番工既途中，佢重好似小朋友咁望風景。　到左公司（佢公司係自已開既公司，而且係工場，所以地方夠大）就幫佢先沖涼同俾野佢食，點知惡夢就係即晚發生。

因為我朋友個工場本來已經有三隻唐狗公註場，佢地見到呀Hill（當時佢既名）即表現得極惡既態度去對佢，所以我朋友收工前就將果三隻狗同呀Hill先用狗帶綁好，免得佢地打起上黎，當晚慘不認暏既事就係咁發生左係呀Hill既身上。

第三日既早上，我朋友番到公司，見到呀Hill　不但被果三隻狗打到偏體鱗傷，而且仲流左好多血係地下，見到咁既情況，我朋友即時將果三隻狗困係一間房裡面，就同呀Hill處理傷口，就咁就過左三日。

第六日，我朋友相約我一齊外出食晩飯，先講起呢件事，我覺得唔可以在將呀Hill放係工塲，我就約我朋友時間先將呀Hill 帶到我屋企，雖然我屋企已經有三隻八哥，但我無可能見死不救，所以就作出左呢個決定。

由於工作太忙關係，過左差不多一個星期，一個晩上我就去接呀Hill番屋企，由我接走呀Hill果一刻，呀Hill好似已經當左我果個朋友係佢救命因人同主人咁，雖然係呢個地方被其他狗打到好傷、好痛，但係佢既表現話俾我知，佢好想留係我朋友身邊，開車走果一刻，呀Hill仲好慘咁對住我朋友狼叫左一聲，我朋友當場流咗一滴眼淚，強忍淚水底下好大聲叫左一聲：呀Hill，你要好好保重喇﹗架車一邊行，呀Hill佢就一路望住車尾我個朋友，個感覺就好似又一次俾人抛棄、又一次失去主人。　係短短既幾個星期裡面，遭受到極之難受既經歴、最少兩次被遺棄失去主人既感覺以及受到多次既皮肉之苦，呀Hill真係極度無耐，唯有跟著我離開呢個又愛又恨又短暫既家。

番到我屋企，我唔想放佢係天台日曬雨淋，唯有屈就佢係一個得２０多呎既露台暫居，呀Hill入度露台第一眼望住我，仿忽好似同我講：我係咪唔乖呀？你會唔會再次唔要我？我會乖我會聽話，好會乖架喇，唔好唔要我好嗎？。　　
零晨３：００，我出露台望住佢，見到佢既傷痕、見到佢好攰但又唔敢訓覺既眼神，就好似話我知佢覺得佢訓著左又驚我會唔要佢咁，回想起呢兩個星期既過程，對一隻思想天真、活潑好動、精叻乖考既呀Hill，我真係認唔住，流下男兒淚。

２００９年４月９日﹣星期四
今日我帶左呀Hill去元朗狗房check晶片同打瘋狗針，一朝早起身就同呀Hill　梳洗好，帶佢去元朗廣場側邊d露天歺廰食早歺，行過見到佢既人同小朋友都不約而同地講︰嘩、雪撬狗呀，嘩，嘩雪撬狗好瘦，重好多傷呀，（用不有䓀既眼光望住我講），都唔知個主人點養佢既，攪到隻狗咁。　　當然，我無理會人地點睇我，我同呀Hill一齊食野。食飽之後，就帶佢入去狗房。

狗房呀叔︰嘩，你隻狗咁瘦既？要俾多d　野佢食喎。　佢有無晶片呀？
我︰係呀，佢係流浪狗黎架，未知佢有無晶片，請你幫佢查下丫。
狗房呀叔︰依．．．佢有晶片架喎，不咼係寵物店，即係話買佢既主人無幫佢轉名喎。而家係咪轉你名呀？
我︰喔．．．係呀，咁請你轉我名啦。
狗房呀叔︰佢叫咩名？
我︰我停左一停，諗左幾秒，我諗，係咪重叫佢做呀Hill呢？，我覺得佢身世咁慘咁差，我想佢日後好d　，快d搵到個好主人，所以我即時改佢叫左Better。

同一日，我打電話去SAA（被遺棄動物中心）同佢約時間去做body　check。　body　check　左血、心絲蟲等，好彩完全正常，真係放底左心頭大石。

而家Better 住左係我屋企差唔多半個月，而家身體好咗好多，而家佢好活潑，好鐘意同人玩，過得好開心。但無耐，佢唔可以長時間住係露台，我工作同家裡而經有三狗三貓既關係，真係無時間可以俾佢，令佢開心快樂，雖然對著佢已經有一份感情係到，但係我唔可以為左呢樣野咁自私咁強行留佢係我既身邊，對佢亦未必係一件好事，所以而家我只可以暫養佢係露台，希望有心人可以給佢一個真正既家，佢個性格好好，識得去廁所，好乖好聽話。

如果有興趣收養Better既朋友，請你盡快聯絡我，請你給BETTER一個永久既﹣「家」。　
電話︰97509875

補充少少, 佢係男仔黎架, 我剛打過電話去問, 佢而家非常活潑呀, 歡迎隨時去睇佢...佢現居於元朗! 有興趣可電97509875 邵先生聯絡!

希望大家可以幫到佢啦